梁麗翹影藝術照胸下古蠱開窿　自爆唔敢返洛杉磯探親

選美出身的藝人梁麗翹（Nicole），婚後育有一對子女，因一直奉行低碳、少甜和做運動，身材保養一流，近日她在社交平台分享一輯富藝術感的美照，穿着黑色貼身裙低胸晒事業線，胸口位置下還有一個古蠱開窿，營造神秘感，被網民封為索媽，當之無愧。Nicole外家在美國洛杉磯，原本今年計劃返美國探望細佬和媽咪的計劃可能有變：「本來諗住自己返美國探吓屋企人，不過睇新聞最近洛杉磯有示威遊行又宵禁，所以都係睇定啲先，屋企人就話冇乜嘢，佢哋嗰邊好平靜，叫我唔使擔心。」

Nicole透露人愈大，愈要懂得令自己開心，今年初開始做令自己開心的事，表示已實行了半年：「繼續努力緊，令自己開心嘅嘢可能只係睇吓書和做吓運動，希望保持身心健康，自己做咗幾10年人，開始要諗吓乜嘢對自己重要，點樣去保持心境開朗，覺得係一個好大的人生課題。」

東網網站 : https://on.cc/東網Facebook專頁 : https://www.facebook.com/onccnews/