旺角鮮熬雞骨濃湯　任添米線無限加湯｜米真鮮｜旺角

無限追加任添任食，一向係流量密碼，但必須強調，大家唔好誤會呢間係放題。有得任添米線同湯，只係因為懷疑痴咗線咁體貼，一坐低仲上埋開胃前菜，我以為去咗食omakase，推高哂餐飲業啲標準。

雖然$33一碗起，又無限任食米線，連濃湯都任加，但佢地並都唔係sell抵食，而係真係sell心機同手工嘢，用上雞骨鮮熬湯底，再逐鍋連生肉料即煮，有自家製手工丸同餃，竟然仲有新鮮雞雜添。

-
🍜招牌小鍋米線 ($33起)
🔸湯底
🥢雞骨湯 🥢蕃茄湯 🥢酸辣金湯
🥢麻辣湯(+$1) 🥢藤椒湯(+$1)
🔸配料 (最少兩款)
🥢海帶 ($5） 🥢蘿蔔 ($7) 🥢鹵水豬頸肉 ($10)
🥢鹵水牛舌筋 ($10) 🥢手工韭菜餃 ($12)
逐鍋即叫即煮，湯底平時出邊豬骨湯多，佢地就自己熬雞骨濃湯做底，其實有啲似拉麵湯底，有肉骨脂香，飲落舒服，但又不失麻辣刺激，而且米線keep到彈牙口感。

🍗招牌雞雜小鍋米線 ($58)
🥢雞腎 🥢雞絲 🥢雞肝
🥢雞心 🥢手工藤椒雞肉丸
估唔到連新鮮雞雜都有，成碗米線同生雞雜一齊煮起，即刻滲滿鮮雞油脂香氣；仲有唔少自家手工配料，手工餃都算，仲自創埋藤椒雞肉丸，超濃藤椒麻香。

🔸米線、湯底免費追加
而且竟然無限任添任食，不過正如上邊提到，本身係逐鍋連生肉料即煮，味道層次係豐富啲，而追加只有淨米線同淨湯，但就保證捧住肚走。

🔸開胃前菜
🔸米線本身配料
🥢枝竹 🥢木耳絲 🥢海帶 🥢芽菜
🥢酸菜 🥢韭菜 🥢蔥 🥢芫茜 🥢蕃茄片
而家好多米線都已經冇乜跟配料，但呢到每碗都跟足九款配料，而且一埋位會上開胃前菜(漬物)，睇得出佢地幾咁有誠意。

🥓惹味脆トト ($26)
🥓尖椒滑嘟嘟皮蛋 ($22)
🥓韭菜鴨血 ($26)
而且小食都非常有心機，做法出邊少見，唔係求其撈啲汁。例如皮蛋竟然擺盤咁靚，除咗惹味，中間仲夾住茄子蓉；而鴨血真係必叫，又滑又入味到痴線。

-
米真鮮
🗺️旺角通菜街1A-1L號威達商業大廈地下J號舖
📞9391 3091

▼Follow foodiegogoooo
Instagram: https://www.instagram.com/foodiegogoooo/