女足｜傑志「三殺」仁足社重奪足總盃 朱志光包辦錦標後暗示離隊

【體路專訊】「賽馬會女子足球聯賽足總盃」今日（8日）在蒲崗村道公園決出冠軍，女甲聯賽不敗封王的傑志，繼聯賽「雙殺」仁足社後，再憑蘇鎧霖及湛靜雯上、下半場各建一功，以2：0淨勝對手，相隔一季再榮膺雙料冠軍。不過兩軍賽後都傳出，來季將會易帥的消息。

仁足社前身為車路士足球學校（香港），在2022至23及2023至24年度足總盃都打入決賽，前季傑志憑互射12碼勝出，上季車足校則小勝1：0復仇。這對「歡喜冤家」在四強分別淘汰民和公民及沙田，連續3季會師決賽。足總安排這場女足球季煞科戰在下午2時45分於蒲崗村道公園爭冠，烈日當空加上超過30度高溫，兩隊球員都踢得十分吃力。即使在每半場的中段安排了「飲水時間」，仍然對全季都只是晚間比賽的球員帶來極大考驗。每當有球員受傷，球證暫停賽事，兩軍球員都會第一時間走到場邊補充水分，以及將冰袋放在頭上及後頸位置。仁足社中場曾麗珊在比賽初段一度撞傷頭部要接受治理，戰至38分鐘她在沒有與對手身體接觸下倒臥在中圈位置，被逼退下火線。主教練鄧志明賽後證實她出現輕微中暑癥狀，要立即被梁匡蕎入替。

今場賽事傑志在18分鐘已有傅昭文送出過頭波，蘇鎧霖快門將吳婉琪一步送球入網打開紀錄；換邊後仁足社有梁匡蕎突破防線後窄角度射中網側。傑志在蘇鎧霖錯失一次近門機會後，於55分鐘靠朱寶恩勤力搶走馬澤純腳下球，再回傳湛靜文笠入遠柱，為傑志奠定2：0勝局。

傑志女足今季由朱志光頂替張寶春擔任主教練，即贏得雙料冠軍，甲組聯賽更寫下14勝1和不敗封王戰績。問到今場決賽贏波關鍵，他表示：「咁熱嘅天氣比賽，如果我仲叫班球員集中啲，呢啲說話都係廢話，教識你點樣聰明咁踢、點樣留氣、點樣轉移個波，呢啲先係一個教練應該做嘅。」他認為今季的成功，跟自己帶著男足輝煌戰績，令到球員臣服有關：「我哋呢班球員好有紀律！我過去喺職業隊咁多年、咁多紀錄，球員梗係聽我講；又或者其實只係覺得我一直幾好運，佢哋都信運囉！」據悉這位港超史上最成功的主帥已萌退意，當問到應該怎樣備戰亞冠時，他暗示未必會留隊：「我都唔知道，都未必係我教。（會唔會再簽人？）要睇上面點部署，唔係我話事！」及後他再強調：「我只不過係過客，都唔知仲喺唔喺度！」

至於衛冕失敗的仁足社，來季則篤定會換教練。帶領球隊在聯賽以12勝2和2負得亞軍的鄧志明賽後透露：「今場是我Last一場，會方安排我去塞班島教波，所以下季唔會係我教，可能會搵外籍教練，呢個係會方安排。」他認為決賽安排在盛夏的下午作賽並不理想：「對兩隊都有影響，其實雙方表現可以好啲，依家打唔出本身水準。我哋成季都未踢過日波，賽前喺呢度係有練過一節，但係練得一次半次，都幾難適應，幫助不大。其實改遲1、2個鐘比賽已好好，呢方面本來好小事，絕對可以做得好啲！」對於再次不敵傑志，他承認有點差距：「對面始終係半職業，Physio仲多過的哋後備！」球會主席陳祖龍在失冠後仍鼓勵球員，並拉大隊聚餐及即場「派利是」，鄧志明表示感激：「老闆好好人，一直好支持球隊，相信我哋係行緊正確方向。」

圖、文：文森特

《體路Sportsroad》
屬於香港人的體育新聞平台
Facebook: https://www.facebook.com/Sportsroad/
Instagram: https://www.instagram.com/sportsroad.hk/