馬拉松與人：May 金澤馬拉松

心情由高位跌落低谷再成功做到目標嘅神奇金澤初馬🐴。

沒有操過路跑，一嚟就報名全馬，事緣都係因為年頭玩山膝頭傷咗上唔到山，Lok sir喺四徑慶功宴上突然撩鬼跑馬。

報名後的半年，第一次參加路跑班，跟教練運動場跑programme，學識咩叫圈速、lap 圈，團跑嘅好處，由唔操肌變到隔日就做gym，搵Lok sir 私補執跑姿，去葵涌跟大家團練，聽 @tommihui 建議多啲跑zone 2。

不過，原來太勤力係會出事，賽前一個月兩隻腳輪住傷，中秋節那天，自己喺運動場一路跑一路喊，腳痛到完全跑唔到，過馬路閃燈都唔敢衝因為跑唔郁，心情一下子就直插谷底，內心做好退賽嘅準備。

最後一個月大幅減跑量，完全無跑過速度課，每次跛下跛下咁跑，跑完就立即去搵物理治療同鬆筋膜推淋巴，做治療一啲都唔好受，但我只想跑下去。

賽前一個月狀態太差，上線完全無期望，sub 4都唔知做唔做到，唔好太痛完成就好。頭段20k前覺得自己控速控得唔錯，人哋跑得快人哋嘅事，唔好理人，跟自己pacing穩定心率，同路旁打氣嘅人群揮手，同小朋友擊掌、欣賞下風景、享受比賽，日本跑馬真係好好氣氛，空氣又好，地下又乾淨。

20k腳其實開始有感覺，但同自己講我無事，腳很好，我跑得好開心，做好啲個form，放輕啲隻腳。30k後見自己狀態唔錯，就開始慢慢加速，最後12k了，頂埋佢，I’m strong💪，mind over body，諗返起夏天嘅汗水，捱眼瞓晨早起身練習，仲有物理治療，買補品裝備各樣用咗好多嘅錢🤣，自己嘅努力就係為咗今日，我唔可以停。

38k後速度再加快，但最後果幾k真係好漫長，感受到咩叫跑極都未到，最後終於見到終點運動場，仲周圍望拱門喺邊，呢個係咪拱門終點？完全唔敢相信我跑到返嚟了🥹。

感謝@lok0161 無放棄我呢個無速度嘅廢物，賽前每星期都問候我傷勢，百忙之中都俾好多建議我💛。

感謝@jadettt_ 介紹咗個好教練@wailungcoach 俾我，雖然我成日唔聽教練話🥲，但教練都無話我，一路叫我update佢情況，賽後偉龍最緊張嘅係我腳傷有無惡化💚。

感謝例二九龍灣/斧山道，例四@r33.hk 葵涌嘅同學，你哋真係好好，不斷嘅鼓勵，俾好多建議我，係出於真心想同學隊友都跑得好嘅心，好溫暖🧡。

感謝@ching_fitness 最後一個月極速幫我鬆返哂兩隻腳，每次都比你刮到我對腳痛到往生，仲有物理治療師，無你哋嘅幫忙我應該上唔到線。

仲有同我打氣加油嘅每一位，全部收到在心中❤️❤️。

最後當然最感謝嘅係 @jk.run.hk ，無你我真係無可能完成❤️，我哋終於一齊衝過終點跑完隻馬了🥰！

金澤初馬｜2024年10月27日
Official Time: 3:41

Please follow Insports Hub on Facebook & Instagram
https://insports-hub.com/
FB
https://www.facebook.com/insportshub
IG
https://www.instagram.com/insportshub/