黃子華為《破地獄》爭議一場解畫　「原本嘅情緒唔係咁嘅」

發布於 2024年11月15日02:42

隨住《破地獄》正式上映，更多觀眾的評價陸續出爐，同時不少聲音都集中於黃子華的演繹，其中靈堂的一場戲更是最受爭議。

黃子華在電影上映之前接受AM娛樂採訪，率先為這場戲解畫（所以並非因爭議而回應），解釋自己原本準備跟去到現場是完全不同，形容現場的喃嘸師傅非常投入，本來自己希望比較靜態去演繹，但喃嘸師傅的反應過於激烈甚至大鬧子華︰「你都痴線嘅！」現場的喃嘸師傅似是失控一樣，完全脫離了劇本的演出，劇本本來只寫明幾位輩份較高的喃嘸師傅出來指出問題。

「直頭好似對住成班變咗黑社會講數咁。」

黃子華再續解釋指現場副導演有指示群眾演員給予反應，但群眾演員的反應就只有零或一百︰「喺我心目中個場戲原本係二三十就夠㗎啦，大家都係講道理嘅啫，原本個情緒唔係咁嘅，原本係唔需要咁激動嘅，你係去到冇得唔激動原來，你係一個人對住成百人係到砌緊。」

無可否認「好行，唔送」的一場戲絕對為《破地獄》的敗筆，單單一場戲就似是與電影整體脫軌一樣。魏道生作為一個走入殯儀界得到其成長的角色，到最後反而會是「潑婦腔」去控訴一眾老前輩嗎？假如希望控訴傳統時，劇本不應描寫得比較「以理服人」嗎？甚至根本不必多說，一句文哥遺囑寫明便道盡一切，更用不著要一班喃嘸師傅選擇缺席一位老前輩喪禮這樣如此突兀的安排（可能是現實考慮？），加上黃子華的用錯力度，整場戲就遺憾成了敗筆。不過整場戲都應得到導演通過才成事，也許導演便是希望以這種情緒作結吧。

▼Follow themovietraveller
Instagram: https://www.instagram.com/themovietraveller?igsh=MW51am9oejN2YmlkNg%3D%3D

查看原始文章

留言 5

Samson
你識唔識，你唔識唔好學人寫評啦。點解道生要咁硬，因為佢知道就算佢攞左文哥份遺囑出黎，班師傅/守舊既人都唔會同意同會覺得入遺囑係假既。你睇唔到明叔無出聲仲要之後拍一拍道生個膊頭咩。明叔就係知道咩野事。但佢身份上唔可以出聲。佢一切都交曬俾道生做醜人。你真係要去睇清楚多幾次套戲。唔係「睇」係要真係感受下套戲有咩野想講。
2024年11月15日05:32
Fiona Wong
我唔覺得有問題，破地獄唔單指係幫先人破開地獄受苦既儀式！同時亦都表達緊人生在世所面臨既種種不成文既規矩，同時幫助在世既人，解開心結！如果唔係的話，根本就唔需要有呢場戲！就算係一對一百，只要你堅持原則（死者為大），到佢哋集體離場，反而我就覺得班師傅唔係太岩，未開始個時就話邊個師傅做先都無問題，咁點解佢兩兄妹一做就即刻反枱？雖然話女人唔做得！咁你咪當比面個先人，你可以迴避但你地係直接離開，我就覺得對文哥好唔尊重
2024年11月15日07:33
Carson
對答得好好喎！無粗口啦喎！
2024年11月15日05:00
frank
我覺得好好，完全係signature
2024年11月15日04:09
邪娃
點敗？打破傳統就係要唔講道理，因為你根本就認為左傳統就係道理，但其實真理都係要據理力爭先會擁有！反而最後好值得反省嘅係，係傳統同人性之間嘅選擇，究竟對老前輩嘅追憶緊要定係對傳統執著緊要，都表達得好到位；不過我個人覺得，可以補一幕事後啲喃嘸師傅嘅表達！因為走左都未必係代表一切！
2024年11月15日21:46