吳林峰斥政府提鐵棚轉視線　直指人禍：我知講出嚟有後果

大埔宏福苑於11月26日發生五級火警，行政長官李家超昨日（11月27日）會見傳媒，透露發展局已與業界會面，商討推進金屬棚架取代竹棚架的路線圖。歌手吳林峰在社交平台發文，批評政府轉移視線：「點解無啦啦會去到關棚架係咩物料事？首先呢單野（嘢）人禍先啦，唔係因為個棚架係唔係竹啊」，另外，他亦直斥「關愛隊根本同幸災樂禍冇分別，佢地（哋）個腦係裝乜X？」。

吳林峰在社交平台發文：「點解無啦啦會去到關棚架係咩物料事？首先呢單野（嘢）人禍先啦，唔係因為個棚架係唔係竹啊，係一個充滿包庇、利益、官商，先令件事無事先做好應該要做嘅野（嘢），搵到位就HEA做，慳到最盡。係啊！D居民俾錢就得GA啦！唔知咁多啊嘛！所以咩都無講，全部人夾硬食。有關嘅人就搵左（咗）錢先、得到利益先，真係睇到我嬲，痴X線。」

吳林峰希望大家心水清：「人命唔理、消防拎條命唔理，市民嘅心痛唔理，居然將問題分散於搭棚用咩物料引致今次事件？有無良心啊！咁樣去誤導，仲要害一個行業。我知物料一定關事，但都唔好咁樣分散注意力，等應該要負責嘅人同事搵到位走啊！真係忍吾（唔）住，唔該大家心水清D！！！唔好俾人拉到個心情去一個唔關事嘅位，跟住俾注意力。」

吳林峰直斥關愛隊同幸災樂禍冇分別：「發生呢一件事，大家心入面一定唔好受，好好關心身邊嘅人同自己，搵到方法幫受害嘅人，盡少少力幫幫手，唔好俾D唔關事嘅野（嘢）去害你依家無助嘅心情加添無謂嘅情緒。希望大埔嘅居民、消防、醫護都可以加油」，吳林峰再補充：「痴X線，未講關愛隊，根本同幸災樂禍冇分別，佢地（哋）個腦係裝乜X？」吳林峰之後再出帖文，寫道：「懇求大家冇誤會，我唔係想衝出嚟型或者攞啲乜嘢彩，係真係睇完個訪問我嬲到忍唔住！認真問，點忍？我都知有後果，唔講出黎（嚟），我驚我會爆血管」。

前天文台台長林超英亦有就「棚架」發文：「哲學問題：為甚麼保護棚架工人的『圍網』，會變成毀人家園的殺人兇手？棚架上跌下一個工人都嫌多，那麼大埔今次已知死了最少94人，多不多？（後加問題）如果取消圍網，減少居民因火災死亡，但偶然有工人跌死，社會接受嗎？易燃的圍網和發泡膠是明顯的物質禍首，何以被追究的對象竟然是相對不易燒着的竹？2009年為工程界保就業的「屋宇更新大行動」開始，眾所周知，從那時起，全港無數人吃了大茶飯團夥的苦，除了花錢，還要在不人道的全面圍封中生活以年計，沒有人理他們的苦況，現在還增加了火災死亡威脅。- 保就業重要，那麼普羅市民的有尊嚴生活呢？- 維修為了改善生活，何以變成死亡陷阱？為甚麼出事，只見『物質』，不見『人』和『制度』？高興警隊出手對付『人』，其他部門呢？」