Coffee林芊妤誕第二胎女兒　「感恩妹妹健康一切安好」

現年36歲的林芊妤（Coffee）於2018年與圈外男友翟志榮結婚，育有一子翟德彥（伯伯）。今年5月Coffee宣布懷上第二胎，但DNA「T21測試」一度發現染色體13或有問題，幸好之後檢查順利通過。Coffee於11月7日在社交平台宣布順利誕下女兒，並分享多張全家福和BB的照片，她特別交代「妹妹檢查完暫時健健康康一切安好呀，感恩。」。

Coffee在帖文分享多張照片並寫道：「報平安。同時都為大家送上剖腹完嘅第一張全家福，妹妹檢查完暫時健健康康一切安好呀，感恩。而我就到今日都仲係（喺）張床休息緊未落得床，真係過左（咗）一日先有力氣出Post同大家報平安，另一個重點係彥彥對妹妹真係好溫柔。」好感激好感激我既（嘅）婦產科醫生黃凝，由7年前第一胎到三年前小產到今胎過山車既（嘅）嚇人經歷，都多得你專業知識同無微不至嘅照顧，多謝你帶我兩個寶貝安全地嚟到呢個世界。

Coffee特別感謝大家的祝福：「而今次我係揀咗港安醫院，因為之前有朋友話呢度嘅環境寧靜舒適，同埋所有姑娘同助產士都好有愛～醫院仲有月子餐提供好多謝Ruby同所有護士對我哋既（嘅）悉心照顧。另外都好多謝麻醉科沈佩怡醫生，琴日係手術過程一直同我耐心溝通悉心咁講解，令我成個剖腹過程都好安心。最後就係要多謝兒科既（嘅）陳強杰醫生，由上一胎到今胎我都好放心將兩個寶貝交喺你手上，多謝你對小朋友既（嘅）無微不至！最後最後要同一班網絡契媽講一聲I love you，因為全靠你哋嘅祝福先令我有無限勇氣走過呢段孕期，亦都因為你哋真誠嘅祝福令BB健健康康咁出世。」