華維迪：我唔知點樣阻止美斯，亦從來未阻止過　美斯係世界上其中一位最好球員，我哋要尊重佢

烏拉圭🇺🇾將會係嚟緊嘅世界盃外圍賽作客對住阿根廷🇦🇷，皇馬中場費迪歷高華維迪最近被問到點樣可以防守球王美斯🙂

華維迪就話「其實，我唔知道點樣阻止美斯，因為我從來都無阻止過佢。美斯效力巴塞嗰陣，我同佢試過幾次交手，當時卡斯米路就係阻止美斯嘅武器。我哋一定要尊重美斯，因為佢係世界上其中一位最好球員😎。」

華維迪又話「我知道嚟緊對住阿根廷將會係好困難比賽，我哋知道阿根廷係點樣球隊，我哋會好似之前咁樣進行防守。雖然我哋之前擊敗過巴西，但無得到任何成就，我哋只係贏咗一場重要比賽🙃。」