嘴賤的浪漫 Tyson Yoshi賜魏浚笙外號「吊頸佬」兼寫歌表白：時候尚早我 XXXX

身材健美的Tyson Yoshi（程浚彥），憑一身足以令女士們缺氧尖叫的肌肉，加上音樂才華輕易在樂壇走紅，作為獨立歌手，與同屬獨立歌手的新一代樂壇顏值擔當魏浚笙（Jeffrey）惺惺相惜，更不時以兄弟檔姿態齊齊出席活動賺真銀，每次互動都相當有火花。

早陣子Tyson Yoshi因拍戲受傷令頸部留有深長的血疤痕，外界相當關心Jeffrey傷勢，作為老best的 Tyson Yoshi昨晚在社交平台以「吊頸佬」稱呼對方，同時以他寫的新歌Demo贈予死過翻生的好友，他表示：「今日無聊寫咗首歌送畀吊頸佬＠Jeffreyngai」， Tyson Yoshi還為demo譜上歌詞，貼文附上由作曲人Tyson親自唱出demo的聲音檔，歌詞如下：「說一句對不起令你擔憂令你生氣/所有事都有限期/這刻卻想起你/時候尚早我大難不死/coz i nearly lost my head lol」向Jeffrey BB 憑歌寄意，又貼出一張Jeffrey受傷的照片寫上「Song Cover done」，Jeffrey對於這份手作相當受落，公開留言回應：「嘴賤的浪漫by吊頸佬」

網友對於賤嘴Tyson與Jeffrey的互動紛紛留言大讚「你哋好sweet」、「雖然係好地獄但明明你係好錫佢，佬的浪漫」、「新朵幾正，吊頸佬，首歌歌詞超級正，大難不死」、「真愛就係呢啲！嘴mean但心入面就勁著緊人哋，唔係點寫到呢首歌。」好多粉紅色泡泡，唔知Jeffrey幾時得閒錄新歌？Tyson會親自監製？期待吊勁佬新歌面世。

圖片：IG & Threads@jeffreyngai、tysonyoshi