蛇年到｜兩代人堅持街頭手寫揮春 80後阿金：後生唔寫，文化就消失 八旬陳伯：暫時維到皮
「唔同人有唔同嘅願望，透過呢個設計、創作、媒介，去令人哋聽下香港嘅故仔，寫揮春其實就係想講故仔。」走進上環水坑口街，沿斜坡而上不到數分鐘，隨即看見一間擺滿貨品的舊式雜貨店。門前貼滿不同的揮春，坐著一位 80 後青年低頭書寫，一撇一捺，寫出一句句祝賀語。他說：「好多人話香港好多樣嘢消失，如果老一輩就唔喺度，後生又唔寫嘅話，呢個文化就真係消失。」
自家設計揮春紅紙 堅持香港印刷
有 66 年歷史的雜貨舖朱榮記，去年起與阿金在店內擺揮春檔。不同於去年只有印刷版，今年首次手寫揮春，加上自家設計的圖案和堅持香港印刷，這天來訪短短一小時許，已吸引不少途人駐足。
朱榮記老闆朱耀昌說，過去從未讓外人在店內駐場擺檔，當同為香港文化愛好者的阿金來訪互相交流後，感到他平易近人、「好易做到好朋友」，兩人隨即「一拍即合」，開始構思擺揮春檔的計劃。
他們吸收去年的教訓，將檔口擺入店內，避免食環署人員巡查；同時，望為街坊帶來新年喜氣洋洋的氣氛，由去年營業時間只有五天延長兩星期至年廿九。
「寫揮春，其實係就係想講故仔」
在社交媒體上介紹香港本地傳統文化的阿金，走訪過很多漁村、鄉村、圍村，如谷埔、糧船灣、上水圍等。見識過不同地方的揮春文化後，啟發他在自家製的揮春上加年畫插圖，並使用「桔紅色」（Lucky Red）而非鮮紅色作為揮春顏色，「我去上水粉嶺圍個陣時，見到好多揮春就係呢種嘅形態，我想用呢隻色帶返出以前嘅揮春就係呢種模樣。」
除了在設計和用色上花了心思，阿金選擇的恭賀說話也與眾不同。他說，在市區和鄉村人們，會有不一的願望，即使生活在香港也有不同的揮春文化，例如捕魚為生的人們會在揮春寫上「漁蝦大順，網網千斤」，等同陸上店舖貼上的「生意興隆，橫財就手」，而這些獨特的賀聯難以在社區看見，唯有走進他們生活的地方才能找到，「透過唔同嘅人揀嘅揮春。你亦都會見到，呢個香港地方，其實有住圍村嘅人，亦都有住漁村嘅人，唔同人有唔同嘅願望，透過呢個設計、創作、媒介，去令人哋聽下香港嘅故仔，寫揮春，其實係就係想講故仔。」當記者再詢問其他賀語背後的意思時，阿金笑笑口說：「呢啲你自己去搵來源啦！」 。阿金希望人們能夠透過他的揮春，嘗試尋找香港的故事。「其實我覺得係我去睇香港，就見到好多好有文化嘅嘢。」
「後生又唔寫嘅話 呢個文化就真係消失」
揮春的起源各有說法，阿金也有其獨特解釋。他反問記者：「你又知唔知道點解香港會有揮春？」很快他便接著解說，「我自己覺得係以前物資無啦⋯⋯漁民、耕田、耕作嗰啲都係睇天做事。新一年，佢哋想將自己希望貼喺屋企，或者貼喺屋企門口，咁去寄予新一年嘅一個願望同祝福。」
不同於其他擺手寫揮春檔的師傅，大多已上年紀有多年書法經驗，阿金在兩三年前才開始練習毛筆寫，他也謙遜地說：「唔敢講我自己寫等好好，好多經過嘅，大家第一個眼，『咦，咁後生嘅？』」來訪這天擺檔的第九天，他已賣超過百張手寫揮春，坦言很辛苦，不過很快又改口說： 「其實係開心嘅，可以真係同人互動，因為我成日都覺得呢個檔係同人係交流⋯⋯」很累還堅持手寫的原因是？
「因為傻咗囉！」從未前只在網上介紹活動到落手落腳參與其中，他覺得兩者體會大不同，「好多人都覺得好多招牌字變左電腦字、好多樣嘢消失，但其實係睇有幾多人去做，我介紹香港之餘，我想融入裏面，究竟香港文化，體會下香港文化係一種點樣嘅嘢，同埋香港書法家、好出名嘅師傅都真係年紀大。如果老一輩就唔喺度，後生又唔寫嘅話 呢個文化就真係消失。」
老闆：為區內帶來節日氣氛
朱老闆在上環見證過半世紀的變遷，他說，以前街坊互相認識，「成為咗一家人嘅小社區 ，有人有事都會睇住啲小朋友 、唔舒服幫手叫車，好多生活嘅嘢， 都好似一家人會互相照應 」，後來漸漸房屋逐漸越起越高，「高樓大廈啲人好似被鐵閘鎖住咗，好難有更接近嘅溝通，以前好多時一家人住係度就係一輩子 但而家可能係一個合約兩年 之後就搬走左 。」他說，自從阿金擺檔後，為這區內帶來歡樂的節日氣氛，貼近社區。他笑言，「我哋就係要做啲貼地嘢，千祈唔好搬去堅尼地城！」
八旬書法家陳鑫發 七萬元租臨時舖 為顧客寫揮春
當有年輕的新血默默延繼揮春文化，在港島另一頭北角，年過八旬的手寫揮春師傅陳鑫發也在「守業」。陳師傅在街頭擺檔寫揮春 30多年，今年繼續在新光戲院對面租借臨時店舖，舖位較去年大一倍，伙記也請多了兩名，望減輕妻子工作量，「 以前係街邊，朝早要掛揮春夜晚要收，請人唔好咁辛苦啦，鬼叫自己做男人咩？」
「蛇年未必係好嘅一年」 祝願港人「如意吉祥健而安」
空間闊落了，同時舖租也加至七萬元一個月，「擺唔足一個月，仲要固定去到年初七為止都要我地負責，自己鍾意嘅地方冇辦法焗住要畀⋯⋯ 」幸好今年生意與往年差不多，暫時已「維到皮，之後可以賺少少」。
過去一年陳師傅感到社會仍未恢復至幾年前一樣，而新一年又認為「蛇年未必係好嘅一年，國際都未必好啦 簡單啲講 中國同美國都唔知搞成點⋯⋯」，但他祝福香港人「厚福康壽祿綿長，如意吉祥健而安」，望福祿壽樣樣齊，稱心如意，開心吉祥，健步如飛且平安家宅。
歡迎追蹤以下平台，即時接收《集誌社》最新資訊，及付費訂閱支持！
【付費訂閱《集誌社》】
https://thecollectivehk.com/subscribe/
【訂閱《集誌社》Youtube】
https://www.youtube.com/@thecollectivehk
【Like 《集誌社》IG】
https://www.instagram.com/the_collectivehk/
- Vincent..香港冇又唔代表在世界上消失既。 香港冇有些原因就係，學生注重成績，學校越來越少教學生寫書法，另外就係將政治混為一談。 揮春聯想到是中國文化之一，就抗拒。但整個歷史背景中政治只係其中一環呢。愛日本愛去日本又不等同愛日本黨派。為什麼愛中國愛北上使用某手機就會被標籤呢？01月28日09:37
- Crovax蚑那劣習就係應該消失！01月28日10:06
- dave寫「天滅中共」，「建立屬於中國人民既國家」，「愛國滅黨」。。。01月28日11:14
- 中國文化好嘢！我哋餐廳照常營業！01月28日09:33
- ガウェイン．ロイ係漢字。01月28日11:58
顯示全部
留言 5