港男「孖C」床頭燈加持新居屋慘遭瘋狂負評 網民勁mean：「好有淘寶feel！」

近日有一名港男在社交平台Threads分享新居裝修照片，引發網民熱烈討論，其中睡房一盞「偽Chanel」標誌床頭燈更慘遭網民瘋狂負評！

樓主表示以白表單人資格購入一個實用面積約280平方呎的居屋單位，剛完成裝修並入伙，他展示了睡房、客廳、廚房及浴室的設計，帖文發布後迅速引來過百則回應，焦點多落在睡房的「偽Chanel」標誌床頭燈，不少留言直斥「個Chanel logo真係俗不可耐」、「好肉酸，零富貴感」、「有名牌都救唔到個品味」、「」、「審美係用錢買唔到」、「個Chanel logo好有淘寶feel」；亦留言關注法律風險，質疑「偽Chanel」標誌會否涉及侵權。

除了燈飾外，不少意見亦針對其他細節提出批評，例如廚櫃半遮熱水爐：「個廚櫃半遮蓋熱水爐同天花板電制到底發生咩事？你唔係打算收貨呀？」

亦有網民給予改善建議：「有野壓住床頭果唔係咁好，有機會影響睡眠，同埋天花板個蘇位可換成白色板面。」、「Display位可以參考多啲Pinterest點執，最緊要唔好擺咁多野出嚟。」、「呢個面積嘅屋企係唔需要擺咁多玻璃櫃，有留白會好啲。同埋房燈可以揀暖啲，低於3000k，會冇咁有靈堂風。」

另一派網民則力撐樓主，認為屋主喜歡這樣的裝修風格便行：「恭喜入伙，自己鍾意就得！」亦留言指出：「雖然審美各異，但屋主開心最緊要，唔使理人點講」。更有人批評網上言論過於苛刻：「你哋又冇份住，俾人哋開心吓唔好咩？」

想緊貼樓市最新動態，記得追蹤28Hse以下平台！

28Hse 網頁：https://www.28hse.com

YouTube：易發睇樓團 (https://www.youtube.com/@28hse_com)

Facebook：28hse.com (https://www.facebook.com/28Hse)