Edan阿正首度拍檔出活動　二人唔過電反而情傾Jeremy

MIRROR成員呂爵安（Edan）及黃正宜（阿正）今日（6日）以「老best」組合到旺角出席飲品宣傳活動，原來二人是首次拍住上出席活動，阿正笑言不習慣，很想搶司儀位置訪問Edan。兩人頻頻互動又鬥嘴，不停擺心心動作，相當有愛。

Edan及阿正在綜藝節目《膠戰》認識，轉眼間已5年，強調從來沒有嗌交，阿正稱最恐怖是第一季在節目慶祝28歲生日，現在Edan都已經28歲，她說：「我覺得他比以前成熟及沉默寡言。」獨欠愛情的她，被問到有否喜歡過Edan？她反應甚大反問：「點會呀？」Edan笑指阿正沒有喜歡他這麼簡單，而是迷戀到沉船，他亦曾想過介紹中學同學給阿正認識，但想深一層又未必適合對方，阿正說：「冇介紹過，咁多年都係得把口，相都冇睇過。」

被問到二人之後會否繼續合作搵真銀，阿正笑言一齊擺心心動作並非尷尬，而是難受，但如果薪酬可觀，也不介意更親密。Edan則自稱是專業演員，「有好角色的話，導演叫到，咀！」提到早前阿正爭取為弟弟做紅娘，想撮合他與Edan妹妹小如豬，阿正表示私下有問過小如豬：「佢話可以食下嘢。」Edan就半落閘表示可以識朋友，又叫大家不要給太大壓力。

Edan建議阿正聯同妹妹「小如豬」（呂蕙如）拍相睇節目，去不同國家認識男士。被問到喜歡哪個國家的男生，阿正表示：「朴寶劍是我夢中幻想老公，還有孔劉，都好想同Jeremy（李駿傑）去旅行拍節目，經常跟他說，我們是時候傳緋聞了。」被問到寧願和Jeremy傳緋聞，也不肯和Edan傳緋聞，是否因Edan已有緋聞女友林明禎？她說：「不是呀，這樣不能Chok我，我們是老best。」

近日有網民批ViuTV經營藝人不濟，Edan表示：「資源嚟講大家都比較少，因為經濟無咁好，電影都進入冷清階段，而我哋呢行好難有一個穩定嘅工作機會或來源，所以好多時都要睇時勢，當然我哋好好彩，有好多工作機會，我相信想入行嘅人，有得進入一個公司或電視台，好似我當初入MIRROR，有咩機會就去做，未有機會就裝備好自己，呢個年代可能用社交媒體都可以令自己被更多人認識。咁希望大家嚟緊可以有更好，有更多資源做唔同嘅嘢。」