朱千雪密密出騷搵真銀　否認再度有喜

藝人朱千雪（Tracy）今日（12日）現身大圍出席活動分享育兒心得。談到近來頻頻現身活動搵真銀，Tracy感謝公司為她接下不少工作，談到一歲多仔仔，她希望仔仔能見多點事物，會不時帶仔上街體驗不同環境，每星期亦會陪仔仔到Playground三天，之後才回到工作崗位，雖然看似很忙，但感到很充實。她透露正為仔仔物色幼稚園，並向育有4歲仔仔的好友岑杏賢取經，笑言得出結論是切物聽太多意，她説：「每個人意見唔同，問一個好簡嘅問題都可以有100個答案，會變成好大壓力。佢就係叫我唔使聽咁多，每個小朋友都唔同，你都未知佢受啲乜唔受啲乜，夾硬迫都冇用，所以我嘅策略係見步行步。」她笑稱暫時仍未變成怪獸家長，趁控制權仍在手會盡量見多點不同事物。

談到她早前被指疑似再度有喜，結果連媽媽也致電向她求證，Tracy指基本上所有親戚朋友都已向她求證，但笑指奶奶在街上仍不時收到別人恭賀，她説：「如果真係我會再同大家講，但係未，其實生完1年好多人再佗第2個，但我啱啱先有番自己時間，可以工作、做運動，所以想享受吓先，順其自然啦！」現時主力律師工作和教書的她，被問到同時要照顧小朋友豈不冇時間拍劇？她坦言拍劇時間太長，加上多了出埠取景，時間上未騰空之餘，最重要是不捨得仔仔，故現時主力其他工作，笑稱人生宗旨仍是見步行步，通常道路都比較暢順。

東網網站 : https://on.cc/東網Facebook專頁 : https://www.facebook.com/onccnews/