相隔20年再惡搞「送禮勤」　程人富拍片向曼聯名宿里奧費迪南送禮

香港體育盛事一浪接一浪，由曼聯足球名宿里奧費迪南（Rio）領軍的足球賽《雙紅會》，下月將對戰由利物浦名宿謝拉特牽頭的隊伍，近日里奧費迪南訪港宣傳，更伙拍小薯茄成員程人富拍片宣傳，後者更重現20年前「送禮勤」畫面，認真大膽！

還記得2005年7月，當年曼聯訪港進行友賽，賽前李克勤以球隊官方網站大使及歌手身份向曼聯送上紀念品。這份禮物是一塊以他為主題的CD封面照片砌成，並加上「Welcome to Hong Kong」字樣的板框，而球賽結束後，該份禮物被傳媒發現棄置於香港大球場更衣室內，自此成為本地網民反覆重提及恥笑的話題，更嘲諷李克勤為「送禮勤」。

事隔20年後，今日（9日）小薯茄IG貼出短片，程人富與里奧費迪南同框，更向對方送上禮物，先送當年「Welcome to Hong Kong」的禮物，其後再送「Welcome to Pomato」，Rio在鏡頭前當然「欣然接受」，但其後發現對方再次「遺留」小薯茄海報自嘲一番。

不過，二人在拍攝後攞住影合照，程人富笑說：「Rio其實好Nice、好有鏡頭觸覺，可以同到世界名宿拍搞笑片感覺榮幸，只係解釋了一次怎樣拍，佢已經入戲！今次機會好難得，我係求公司俾我同佢拍呢個宣傳片，因為公司好多球迷都想同佢影合照，我都私下講到時會去現場同佢打氣。」

李克勤相隔20年再被惡搞，但他過去不時也被重提「送禮」事件，但李克勤曾經表示：「咁多年大家都仲講，如果大家講時係開心我唔介意」，他又認為「呢個唔係我問題」。事實上，「送禮」事件亦無礙他對曼聯的熱愛，2006年李克勤與太太盧淑儀結婚，二人特地到曼聯主場奧脫福球場影婚紗相，而今年5月曼聯殺入歐霸盃決賽，他亦飛到西班牙當地入場支持愛隊，可見他相當「死忠」。