達史特根：2018年世界盃唔俾我踢正選係唔公平

巴塞龍門達史特根接受圖片報訪問講到自己德國國家隊嘅感受，達史特根就話「無可否認，我係紐亞身上學到好多野，當然我成日都會留意所有龍門嘅表現，從而再睇下點樣可以係比賽當中運用。不過紐亞嘅風格無辦法複製，但我會分析下紐亞大力拋波同埋佢係點樣產生咁大嘅力量😶。」

達史特根又話「2018年世界盃唔啤我踢正選嘅決定對我最大打擊，當時我幾乎踢足晒每一場比賽，而且嗰陣就係我當時狀態最好嘅一年。對我嚟講，嗰陣唔俾我踢正選就係唔公平😠。」

達史特根最後被問到點睇2024年歐國盃，呢位德國🇩🇪龍門就話「當時拿高士文同我解釋呢個決定嗰陣，我感覺到對佢嚟講唔係一個輕鬆決定。我對於呢個決定梗係唔開心，但我會尊重呢個決定。無論過去定係依家，拿高士文都係非常坦誠，所以我真係幾期待嚟緊國家隊嘅發展🙂。」

根據西班牙傳媒世界體育報消息，達史特根康復進展順利，已經開始同其他隊友一齊訓練，而達史特根亦都表示自己最近身體情況都幾好。透過巴塞隆拿工作人員消息，預計達史特根將會係今個月尾重返球場。

▼Follow足球仁
Instagram: https://www.instagram.com/football_yern/