[曼谷寶藏級Cafe+酒店+博物館‧見證百年殖民風尚] 🌼🌿🇹🇭

作為城市成長嘅小孩，對懷舊或復古事物真係有種說不出嘅情意結！今次曼谷之旅，我哋僅停留一天，所以只係追咗一間Cafe——“The Mustang Blu”！
店子位於曼谷著名嘅文青小巷Soi Nana中，之所以還能哋雲云特色咖啡店及酒吧中突圍而出，皆因店子仍好大程度咁維維建築物嘅懷舊格局——逾百年嘅法式殖民風三層洋樓、螺旋式縷空鐵樓梯、粗糙嘅水泥石牆、紅磚與磚脫漆嘅木窗櫺…據說店主在接手此建築時，只係用咗5個月修葺，盡量唔破壞建築物嘅原貌，遊走其中，猶如踏入時光機，飽覽曼谷百年風霜！

The Mustang Blu集Cafe、民宿及博物館於一身，店家門口為一道窄小木門，唔太起眼，驟眼睇真係勁有神秘感！進入木門，隨即是咖啡廳區，有大型熱帶棕櫚樹、古董傢俱、長頸標本（天呀！），中間 仲有蜿蜒到一樓客房嘅鑄鐵螺旋梯，沿餐廳旁嘅小走廊再走，即係入住大堂+博門館，有馬標本、 鴕鳥骨架、鹿角裝飾，帶點詭異，又極具歐洲古堡嘅文藝氛圍，品味獨特！

至於二、三樓就係客房，僅有10間客房，所以長期滿額預訂~不過價錢都係人均HK$600，唔算貴！今次嚟我哋住唔到，希望下次Book到啦！