復工為辟謠！姜濤微笑自拍晒傷痕 飲酒服藥後跨欄杆認錯誤示範

姜濤本周二（24日）西環墮海事件震驚全城，事隔僅一日，先後進出政府及私家醫院的姜濤赴傷復工，令全城姜糖擔心不已。

昨日（25日）他聯同隊友盧瀚霆（Anson Lo）、呂爵安（Edan）及李駿傑（Jeremy）現身旺角出席在麥花臣場館舉行的《呂濤米Lo Seoul》粉絲見面會，雖然大會臨時取消表演環節改為簡短分享會，但姜糖們見到偶像生猛現身即刻瘋狂尖叫，場外亦聚集了海量粉絲，齊心大嗌「姜濤！姜濤！」身體力行給予偶像最大度的支持。

身穿灰色衛衣的姜濤在場內不停擺出心心手勢，回應姜糖的支持歡呼聲，他在台上安慰眾粉表示：「I’m fine ok,大家唔使擔心嘅！」

活動結束後，姜濤旋即乘保母車殺入機場，準備飛法國參加時裝週，面對在機場苦待的記者朋友，仍然保持笑容，當傳媒追問他身體狀況時，佢即舉起貼滿膠布嘅手臂笑住話：「I’m fine ok！醫生check過冇大礙，只係手踭有少少割傷啫！」

講到事發經過，姜濤還原當時情境：「本來去海旁跑步想出身汗，見到日落好靚就諗住坐低欣賞。」佢承認自己一時忘形跨過欄杆：「見到有人喺出面釣魚好chill，點知起身時突然頭暈，就咁跣腳跌落海！」問到係咪情緒出事，佢即反問：「情緒？」之後解釋：「之前食咗止痛藥止頭痛，同埋有飲少少酒，但絕對唔係借酒消愁！」而導致意外最大因素是不小心：「我係跣腳，跌落去嗰下唔知，跌落水先意識到。」

對於墜海翌日即復工惹來熱議，姜濤表示：「公司都想我抖下，但出面好多謠言，所以我想親自話俾大家知我冇事，出嚟做嘢係我自己意願。」他特別感謝救援人員：「多謝所有救我嘅好心人，特別係掟救生圈畀我嘅市民同海事處人員！」更自爆：「其實我識游水，但好耐冇練，跌落去嗰刻真係嚇到腦海一片空白！」

姜濤向奮勇營救他的市民道謝，「多謝所有救我嘅好心人，特別係掟救生圈畀我嘅市民同海事處人員！」又自爆自己其實識游水：「我識游水，但好耐冇練，跌落去嗰刻真係嚇到腦海一片空白！」

姜濤事後喺IG曬出「姜Man寫真」，相中清晰見到兩隻前臂佈滿超過20條長短不一嘅傷痕，部分傷仍然結焦未癒台，他以「酷酷的手臂」自嘲，當下「巴黎見」三字，網友紛紛留言表示關心，「一劃劃心痛死me呀」、「見到都好痛呀，唔准再傷呀，你要加油」、「男人的印記，見你笑得咁甜，終於都放心了，可以去食好西」、「痛在你手，痛在我地心」他再發文向支持者表示：「我就不逐一回覆了，在此感謝每一位的關心非常抱歉讓大家擔心了，我會好好的。」

TVB《東張西望》昨晚搶先播出觀眾提供嘅獨家片段，見到姜濤喺海中不斷揮手呼救，外判商船員即拋繩救援。目擊者陳先生（化名）透露：「佢當時好清醒，仲識自己捉住救生圈，應該係俾蠔殼刮傷手腳。」

姜濤所屬公司MakerVille強調事件純屬意外，呼籲大家唔好作不必要揣測。至於姜糖最關心的「7.29補場見面會」，姜濤承諾到時會以最佳狀態同粉絲見面。

圖片：東張西望、網上圖片、IG@keung_show