蘇保斯禮： 雖然我哋成日0:1落後，但去到最後都可以赢波　我哋都係一場一場踢，希望嚟緊對住熱刺可以拎晒3分

利物浦中場蘇保斯禮接受訪問就話「老實講，自從我加盟利物浦之後，我哋成日都以0:1落後方式開始比賽，但我哋係每場比賽都展現出良好應對能力。無論邊個係球場上，或者邊個後備上陣，我哋都係作為一個團隊，最後都贏晒三分或者殺入下一輪比賽😎。」

呢位匈牙利🇭🇺中場又話「正如我所講，其實邊個上陣並唔重要，因為大家都會全力以赴。呢度有年輕球員，亦都有經驗豐富嘅球員去幫後生仔。我哋的確係一個團隊，一個龐大團隊，每個人都為工作做好準備🙂。」

蘇保斯禮最後就話「我哋都係一場一場踢，唔好諗太遠。當然，你永遠唔想輸波，但我哋都要現實少少。我哋期待對住熱刺同埋全取三分，然後迎接另一場比賽😊。」

▼ Follow Football.jai 足球仔
Facebook: https://www.facebook.com/football.jai
Instagram: https://www.instagram.com/p/CkfcN9kyz3M/