盧巧音首個台北演唱會延期　「技術及好多方面未配合到」

現年51歲的盧巧音（Candy）早前宣布將於11月23日於台北華山LEGACY舉辦「盧巧音 Candy Lo The Journey Continues LIVE in Taipei」，這是她出道27年在台灣第一次舉行個人音樂會。當時Candy寫道：「希望一直支持我的台灣粉絲能買票支持我在台灣的第一場表演！」不過，Candy於11月10日在社交平台宣布演唱會延期。

盧巧音在社交平台宣布其首個台北演唱會延期，寫道：「各位朋友，唔好意思。今次技術上及好多方面都未配合到，所以要將音樂會延期，好對唔住今次買咗機票同訂咗酒店嘅朋友。麻煩大家今次先退票，真係好對唔住。麻煩你哋去返呢一個網站填返份form退返票先，極度不便之處，極度敬請原諒。」

近年熱熱衷於跑步的盧巧音，不時在在社交平台分享她的跑步日常，日前她發出上山的帖文，寫道：「心情麻麻，都要積極面對。上山走走，放走負能量……」日前又分享在健身室的照片，寫道：「唔係我唔想講嘢係我唔知講咩」。事實上，上星期Candy仍有出帖文感謝拍攝台北演唱會宣傳片的團隊：「辛苦晒工作人員，幫我拍咗條11月23日台北華山Legacy演唱會嘅宣傳片，好多謝你哋，我們團隊已經努力準備就緒，期待和你們見面。」