吳浩康收網民錄音被指眼紅歌藝　回應表不滿反被讚有禮

42歲的吳浩康(Deep)上年宣佈離開合作20年的英皇後，為養家到地盤開工，又教唱歌賺錢照顧太太及兒子，建立好男人形象。日前有網民在社交平台分享一段直接聯絡吳浩康的錄音訊息，惹來吳浩康回應表示不滿，但其他網民聽後，大部份卻力撐吳浩康做得好。

吳浩康於2022年3月與郭思琳奉子成婚，同年9月太太誕下兒子「撐撐」。而除了工程工作外，吳浩康亦有教唱歌。日前有網民就以「俾吳浩康x 贏咗99%香港人😂唔好嬲啦牙deep 我知你都係眼紅我唱你首歌好聽過你 所以先至嬲嬲豬😭」為題分享私訊對話截圖，他先問Deep教唱歌收費，一日後見Deep未回應就再問：「為什麼不回覆？是否在地盤開工中？」再之後竟然錄了兩段唱吳浩康歌曲傳給他。吳浩康最後錄音回應：「唔好意思呀，你方唔方便唔好send呢啲嘢嚟呀？喂我依家有嘢做緊，跟住我見到個電話響諗住聽下你講咩嘢，你打嚟唱歌？你咩事呀？」網民一面倒力撐吳浩康好脾氣，已經回應得很有禮。之後吳浩康本人都有留言：「我諗唔使我出聲，感謝大家」。