滕麗名老公朱建崑被爆逼員工OT　代夫回應再被指「講大話唔眨眼」

滕麗名於2013年與圈外人朱建崑（Matthew）結婚。於日資公司任職香港總監的朱建崑，近日被疑似前員工匿名出帖文狂轟，爆朱建崑安排員工日間工作夜晚training，變相強逼員工OT。網民以「i_hate_ot」名義出帖文：「Canon香港總監朱建崑（Matthew Chu），滕麗名老公。Canon本身返工時間已經夠早，要8:30打卡。你以為夠早可以準時收工？ 朱生話唔想『浪費』員工日間工作時間，搞咗晚間 收工後training，必須出席。明逼你OT，仲要無補水。training完之後佢仲話：『日後會再加多啲夜晚training』，仲話要發問卷問大家有冇人『真係』唔鍾意夜晚training。要人打份寫字樓工射足12碼。Canon文化培養社畜。你哋嘅『唔浪費時間』，根本係浪費緊員工嘅生活、健康、家庭。打工唔係賣命呀！呢份工我唔做就梗架啦，但唔做都要揭露你地（哋）係點壓榨員工。」

有傳媒就此事向滕麗名查詢，她自稱身在內地，代夫回應training在一晚（10月2日）才發生，並表示自己很關心同事的心情和感受。滕麗名透露，老公昨晚完成培訓後，仍能趕及與家人提早共度中秋節，「好彩仲趕得切睇《愛‧回家》。」

雖然滕麗名表示老公趕得切睇《愛‧回家》，但網民「i_hate_ot」發文並公開公司電郵反擊：「講大話唔眨眼，公開埋公司發出既（嘅）電郵。朝早8：30返到夜晚20：00。講明compulsory無得早走。朱生發表完佢既（嘅）偉論已經19：00幾，其他人仲未走得，佢坐火箭去食飯？仲要人繼續留係度自己就早走去食飯？」。