前TVB主播周嘉儀首次拉頭馬　興奮表示：好感動

前TVB新聞主播周嘉儀（Venus）2015年離巢後轉戰金融界，由公屋搬到半山，近年更榮升為馬主。她昨晚（4月30日）終於迎來人生首匹頭馬——其名下愛駒「天下寵兒」在名騎師潘頓胯下奪冠，令她激動不已，全程興奮尖叫，與家人一同見證這難忘一刻。

「天下寵兒」早前三度屈居亞軍，昨晚終於修成正果，於沙田賽事中成功開齋。周嘉儀與父母現身賽馬場，父親雖然曾中風，左眼未能完全睜開，但精神奕奕，一臉自豪地見證女兒的光輝時刻。周嘉儀更於IG發文感謝馬房團隊、騎師潘頓以及一路以來支持她的朋友與家人，並透露未來有意養更多馬匹，繼續在賽馬路上邁進。

她其後在Instagram 形容這是難忘的一夜，寫道：「由第一場開始無間斷嚟到支持，終於可以一齊影頭馬相，真係好開心！」她感觸地多謝愛駒「天下寵兒」：「我嘅寶貝寵兒🐴自從你舊年一月嚟到香港，由啱啱好細膽唔係咁適應比賽環境，到睇住你一路成長、成熟、進步，一步一步好努力咁走過來，證明自己嘅能力，到而家贏到比賽，我真係好感動！你喺每次比賽都展現無比嘅鬥心，每一場都將你自己所有交晒出嚟！好多謝你揀咗我做你主人，我好幸運養到你呢個忠心寶寶🐴❤️ 期望你繼續健康食得瞓得繼續鍾意同我玩，比賽繼續進步，再次突破、證明自己！」Venus今日亦即到馬房，探望「寵兒」，餵食蘿蔔及乾草，慰勞其寶貝。