黃翠如嘗印尼折疊式紮肚　誓重回巔峰狀態

藝人黃翠如自3月誕下兒子「簫哈哈」後，專心休養身體和照顧兒子，早前她鮮有露面出席公開活動時，透露自己產後尚未收身，小腹和腰仍相當有肉地，而近日她在社交平台分享出一條體驗紮肚的影片，片段中翠如以一身休閒服裝出門，原來她是去第一次紮肚，到達目的地隨即便量度腰圍：「依家嘅腰圍係29吋，我無好必需要即刻瘦落嚟嘅，不過大家都話因為紮肚係會幫內臟同埋子宮返到最好嘅位，咁所以我一路同佢哋講，我係最緊要健康為主」，在紮肚的過程中，翠如笑言應該開不了車，緊到好有安全感，更介紹自己是體驗了印尼的折疊式紮肚。

而完成紮肚後翠如更是連腰帶都難以扣上，自嘲下次要穿回「大肚婆裙」，回家則找來老公簫正楠(阿簫)接送，乘車時指紮完肚後小腹直晒，揸車定坐車都十分困難，又續指：「依家聽講我呢個腹直肌就係3指距離，我希望可以減到變成0.5指，就等於腹直肌道門就關埋」在旁的阿簫聞言即指：「咁就有腹肌啦?」，隨即逗笑了翠如。

東網網站 : https://on.cc/東網Facebook專頁 : https://www.facebook.com/onccnews/