/Skye Roofbar and Dining 🇭🇰/ #sa銅鑼灣篇
呢一度就係銅鑼灣柏寧酒店嘅餐廳之一
主打法國料理之前去過食weekend brunch 都幾滿意
今次夜晚再訪又係另一種格調 雖然昏暗
但幾有情調🫶🏻🫶🏻
户外嘅酒吧都多人飲野 越夜越多人
鍾意嘅話食飯前飲番杯睇日落都得🌆
今次咁岩撞正50週年 有個五道菜set $1080/pp
另外配埋四款酒再加$580/pp
Set dinner供應期 去到8.31
火焰雪山🌟
波本雲呢嗱、紅桑莓
最後最期待嘅甜品就係火焰雪山😋
服務員會係你面前整 可以睇到過程🔥
幾鍾意內餡 係紅桑莓嘅雪葩
酸酸甜甜，完全唔會覺得漏🌟
外層就係雲呢拿忌廉 質感輕盈
少少似蛋白嘅感覺
酒味可能已經揮發咗 所以唔算好突出
巴伐利亞茴香奶凍
配圖爾托蟹、煙燻魚籽
最鍾意嘅菜式之一🌟
平時比較少食鹹嘅奶凍
質感軟滑 奶凍上加咗蟹肉、煙燻魚子同魚子醬
咸香突出 蟹肉份量多 好鮮甜😋
野生多寶魚
配料有: Oscietra 魚子醬、椰菜花忌廉、
苦艾酒汁
呢款魚油脂感較重 不過肉質幾滑
可以再加多啲椰菜花忌廉！
至於苦艾酒汁同樣已經揮發咗
所以唔太覺有酒味
➖➖➖
配: Château La Nerthe, Châteauneuf-du-Pape Blanc 2020
酸度較低 偏向full body 少少
柑橘風味冇咁突出 主要係樹果香～
例如係桃嘅風味 亦有花香
白酒法國黃雞 | 鴨肝、西芹泡沫、黑松露汁
用白酒煮嘅法國黃雞 酒味已揮發～
唔算話好重酒味 正常發揮！
另外一碟就係鴨肝
質感幾Creamy 會食到鴨肝嘅鹹香
亦有松露陣陣香氣～
但係食食吓會比較有飽滯感
➖➖➖
配: Domaine Belargus, ’Ronceray‘, Anjou Blanc 2020
呢款酒入口較甜 雖然都有少少酸度
但多左蜜糖同水果甜嘅味道 較為平衡
法國朱古力餐後小點
係兩款唔同嘅朱古力
分別係開心果牛奶朱古力同埋可可豆朱古力
幾鍾意開心果嘅果仁 但係牛奶朱古力就會偏甜少少
因為自己本身偏鍾意食黑朱古力 較甘苦
所以覺得可可豆嗰隻更好味😋
牛柳
配勃根地紅酒汁、松露汁油封牛胸腺、
牛油薯蓉
紅酒汁帶甜甜地 牛柳可以揀返熟度
肉味濃都夠腍 當日有少少乾 可能煮耐咗少少
都係第一次食牛胸腺 幾軟腍
加咗松露去調味唔會好腥
➖➖➖
配: Sotanum, Les Vins de Vienne, Collines Rhodaniennes IGP 2018
食牛梗係配返紅酒啦！
呢款就會偏向煙燻味 有啲似橡木嘅感覺
另外都有莓果風味
📍Skye Roofbar and dining @skyeparklane
銅鑼灣告士打道310號柏寧酒店27樓
▼Follow @sa_foodieadventure
留言 0