網上熱話｜43蚊堂食三餸飯 有鐵餐盤再送橙 網民：差隻膠杯

兩餸飯店開到成行成市，部份設堂食座位，成為不少市民食飯好選擇。早前有網民分享自己在一間兩餸飯店的用餐體驗，三餸飯盛惠43元，鐵餐盤更送一顆橙。帖文一出隨即引起關注，有網民笑言似監獄餐，「監獄風雲之三餸飯」、「差隻膠杯」；亦有網民指「$43有咁多野，仲想點呀」。

近日有網民在Facebook群組「香港兩餸飯關注組」發帖及上傳照片，分享他在油麻地一間兩餸飯店的用餐體驗。樓主點選蘿蔔牛腩、紅燒豆腐和菜心，三餸連飯盛惠$43，他評價為「一般，唔難食，啲汁調得太濃，牛腩陣騷味好重」。照片可見鐵製餐盤上的餸菜份量十足，亦放有白飯以及一顆橙。

帖文一出即引發網民熱議，皆因焦點放在鐵餐盤及橙，隨即有網民聯想到周潤發主演電影《監獄風雲》，笑言這頓飯「似監獄餐」，甚至有網民戲言「(監獄)主題兩餸飯」、「差隻膠杯」、「漱口杯呢」、「有冇同發哥握手呀」、「賣相好攪笑，鐵盤加橙」、「坐監咩？」、「食情懷？」、「太平紳士巡視，有冇要求投訴？」、「人生於世上有幾個知己、多少友誼能長存…」、「食之前，大聲講句 thank you sir」、「點解可以攞手機入去？」、「打卡一流呀喂」，更有人猜測該店老闆可能是更新人士。另有網民指「雙餸飯仲有獨立一個菜，跟埋生果賣$43，唔明d人仲想點？」、「橙都唔平，有誠意」。

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)