林家謙細細就想同鄧麗欣唱《十分愛》　終於夢想成真

歌手林家謙在紅館舉行演唱會，第4場演出迎來鄧麗欣（Stephy）擔任嘉賓。兩人從一個大禮物盒中登場兼合唱《十分愛》，瞬間炒熱全場氣氛。事後林家謙難掩興奮之情，對Stephy表示：「多謝你，我願望成真啦，我有個夢想就係可以同你唱《十分愛》呀。」搞到Stephy好奇追問：「你之前提到細個嗰陣，細個係咩？依家講吓….」林家謙答說：「我細個唱K成日唱呢首歌囉，以前只係同聽單聲道版本合唱，今日終於同『行走』的單聲道合唱！」當Stephy笑問：「細個即係幾歲？」林家謙超速回道：「6歲就渴望愛情呀，哈哈哈！」引發全場大笑。

Stephy感性多謝林家謙早前為自已寫了歌曲《戲一場》：「佢不單出嚟同我傾偈，又細心問我想要啲咩，又好快就寫好，個demo版本已經好好聽，我成日係屋企J首Demo，依家都係我個playlist。」林家謙受寵若驚：「吓？Stephy J我嗰啲…..嘩，咁好，多謝多謝！」二人再合唱《心急人上》，將現場變成大型卡拉OK現場，林家謙分享：「呢首都係我童年回憶，以前同表姐們喺K房一定會關燈跳唱呢首歌呀。今日表姐佢哋都有嚟呀，叫埋佢哋一齊跳，哈哈…..」

東網網站 : https://on.cc/東網Facebook專頁 : https://www.facebook.com/onccnews/