商台蔓兒突被炒 即日離職變失業大軍：只會記得好人好事

效力商台的蔓兒在商台工作7年，近年擔任《在晴朗的一天出發》幕後工作，昨天（6月30日）蔓兒在社交平台自爆成為失業大軍，她表示原以上周五（6.27）以為是尋常工作天，結果變成Last Day：「被通知嘅一刻，心入邊有好多唔同嘅想法同感受湧現，但最強烈嘅一個想法就係『今日套衫唔夠靚！』於是就返屋企換套衫！失業唔緊要，最緊要靚！」

蔓兒之後邊執枱邊看自己的創作：「諗返呢七年多以來《晴朗》大大小小嘅活動、慶祝生日企劃、903籃球賽、Sis私服服、九零三八……自己都真係學咗好多嘢、做咗好多嘢、成長咗好多！」

她表示感謝商台令她遇見不同的人和事：「人嘅記憶體有限，我只會記得好人好事，開心喺last day可以同大家一齊食飯！雖然啲男仔唔會講啲咩關懷嘅說話，但都feel到佢哋係關心我嘅（應該），好嘅就話幫我搵工，衰嘅就嗌飯嗌七個餸，食七咁食，睇嚟真係好想送我一程！笑死！」

她有感而發謂：「七年，要學嘅嘢學咗，做到嘅嘢都做咗，每日循環做同樣嘅事情，有時都會諗究竟幾時先完。所以都係時候轉換一下新嘅環境，不過自己都有d（啲）迷惘同懶懶閒。所以而家咁樣都好嘅，俾啲時間同錢錢我，休息吓做吓gym去吓日本。宇宙對我好好，相信佢係用最好嘅方法，帶我去一個更好嘅地方，尋找更好嘅自己 #其實俾人炒好似應該要唔開心 #但睇到兩張支票就喊唔出 #失業KOL」。

（即時娛樂）