COLLAR以為去度假｜7女一齊沖涼　Ivy So仲有三點式泳照未po

ViuTV團綜節目《COLLAR以為去度假》將於6月2日首播，COLLAR一眾成員今日（27日）現身旺角出席，分享她們在新加坡拍攝點滴和訓練成果，眾人頻臨鬧交邊緣，又首次一起沖涼。

一如節目名宇，COLLAR表面上到新加坡度假，實質是接受地獄式特訓，她們受訪時表示，出發前已感可疑，Day直言：「我見佢哋畀唔到schedule已經覺得好古怪，即刻搵晒啲救命法寶出嚟。」不過，Winka和芯駖以為真的度假，Winka更加毫無懷疑：「我真係冇諗過，真心覺得公司以為我哋呢幾年都攰啦，會按摩食好嘢！」拍攝過程，眾人更差點一言不合，瀕臨鬧交邊緣，Marf表示：「我哋有個遊戲意見不合，係關於信任，但其實係被節目組計算咗！」

不過，COLLAR在當地度過最親密的時光，就是眾人一齊沖涼。Winka大爆沖涼房間格獨特，可互相望到對方的頭，形容經歷如親姊妹般的接觸。被問到誰人身材最好？芯駖表示浴室設計只看到大家頭部，看不到頭部以下。Marf說：「我們浸過溫泉，有不同類型身材，高矮肥瘦都有。」

Ivy和Marf最近派福利，在社交平台上載三點式泳衣相，Ivy認為夏天穿泳衣並非罕有事情，「好怕醜，本身仲有啲相打算po，但見大家咁留意就冇諗住po了。」Marf亦叫大家別大驚小怪，直指泳衣對她非常重要。「我經常去曬太陽，將膚色曬均勻。今次去新加坡，我們都有著泳衣拍攝。」芯駖表示指Marf去沙灘當天，她和Gao也在場，大爆Gao也影了輯好勁的泳衣照，但未貼出來，又指在新加城拍攝暴曬後，全身都曬到黑黝黝，只有手指罅是白色。

COLLAR眾人互爆各有獨特的「公主癌」，Day全程包到實唔曬得，Ivy自認睡公主，瞓到過時被隊友丟棄，原本很怕蚊蟲的Gao就訓練到產生抗蟲性，芯駖就要克服畏高，Candy就破戒食榴槤，「第一次食完接受唔到就冇再食，今次係第二次食。」她們大爆已影了實體相，包括黑圖，或會透過睇團綜答問題方式送給fans。

至於Ivy被影到入場欣賞緋聞男友洪嘉豪有份演出的拉闊騷，又被網民指戴上特別版的洪嘉豪fansclub紅色帽，Ivy已在IG限時動態po相表明，那是193送的帽子：「希望大家唔好P回圖製造新聞，係一件好壞嘅事，真係要多謝193送頂帽俾我。」對於兩人的緋聞，Ivy表示：「我都愕然，我解釋過，唔再補充。」