校慶匯演練習數月　突取消傷心欲絕

政府「超前決定」全港學校昨日停課，打亂了學校暑假前的部署，大批家長鬧爆政府決定，有家長直言「你一個決定影響全港中小學10萬人的活動」，憤指有不少學校要舉辦結業禮「訂曬（晒）場地，訂曬（晒）到會，冇得退！」也有家長指，小朋友期待畢業禮，「一聽到第日要停課就哭了」。有家長專門到天文台Fb專頁留言指「起身一滴雨都冇」，「呢啲叫做極端天氣？天文台教育局你真係好有問題！啲司長局長真係非常離地！」

今次決定引發大量不滿，與學校在學期尾、暑假將至前有不少畢業禮、散學禮甚至校務安排有關，有家長留言，指學校原本昨日舉行25周年校慶大匯演，學生花了幾個月時間作練習及綵排，大家好期待表演，但因為政府官員的草率決定取消了，「好多小朋友昨（前）晚知道取消之後，立即哭喊出來」。

有家長更質疑督導委員會決定時太輕率，做決定之前是否了解過有多少學校已放假？若是為了升中活動，可以寬限多一天便解決問題。家長直言：「有幾多（學校）要舉行結業禮……一個結業禮對學生有幾重要，好多人就係等呢一日上台攞獎，好多人好努力排練為左（咗）呢日表演，幼稚園畢業得一次，小學畢業得一次，中學畢業得一次」。

東網網站 : https://on.cc/東網Facebook專頁 : https://www.facebook.com/onccnews/