劉小慧大女搞生意　阿爸阿媽一毫子都冇投資

藝人蘇志威以「星級大使」身份帶同太太劉小慧及長女蘇君蕎（Yumi）今日（24日）出席慈善活動，蘇志威透露曾赴日學習甜點的長女最近創立自家品牌，並推出新產品發售：「佢最近搵咗朋友合資，租咗一個食物工廠，唔關我事，我完全冇投資，乜都冇，佢以往每年中秋節都會整蛋黃酥送畀朋友食，今年有個食物工廠，所以就推出中秋節禮盒。」

雖然未有投資，但蘇志威及小慧肩負試食重任，小慧指女兒對品質要求嚴格，全是手工製作，單是紅豆就試了7、8款。問到投資金額，Yumi慶幸有拍檔可以分擔，其資金主要來自日本回港後教甜品班所賺的錢，望做一個屬於香港人的食品品牌，除了中秋禮盒外，她之後製作蛋糕及曲奇，她稱今次每賣出一盒中秋禮盒，就會捐出一盒曲奇做慈善為基層家庭及獨居老人送暖。

小慧讚女兒自小已很有善心：「佢好細個嘅時候，喺報紙見到有關災難報道，佢會將啲銀仔放喺上面，意思係要捐錢，佢近年接觸咗身心靈，佢希望發放正能量感染更多人。」除了善心滿分外，談到大女被外界稱讚似林心如，細女似李嘉欣，問到細女會否入行時？小慧坦言：「佢唔會，佢話如果入行，一生只能投入做呢件事，佢覺得人生唔係咁，佢要試好多嘢。」

另外，蘇志威透露其所屬的組合草蜢將要到各地開騷還歌債，及籌辦明年4月在紅館舉行的草蜢40周年演唱會，講到紅館最近解禁，容許安裝高空裝置，他開心表示屆時舞台將有更多新玩法，問到去年完成切除腦部腫瘤手術的成員蔡一傑的狀態？他說：「佢冇問題，草蜢狀態十足，放心！」又笑言3人年齡加起來181歲，他與蔡一智屆時可在台上展示樂悠卡

。

東網網站 : https://on.cc/東網Facebook專頁 : https://www.facebook.com/onccnews/