此生必去日本賞櫻點 奈良吉野山🇯🇵🌸

熟我嘅朋友都知我不愛城市～去旅行最愛去冷門地方、鄉郊！去日本睇櫻花亦不例外！

今次我二刷奈良吉野山～🌸

這兒被譽為「日本三大賞櫻」勝地之一，亦係日本代表性櫻花［吉野櫻］嘅發源地！

呢度可以「一目千本」嘅美景，意思即係一眼望去，即有逾千棵櫻樹映入眼簾咁解！景色真係非常壯觀，令人一見難忘！

吉野山係整座式櫻花山規模，劃分為下千本、中千本、中千本及奧千本四部分，櫻花會依次序由下至上咁綻放，一般嚟講4月頭一星期睇下千本及中千本，4月第2星期睇中千本及上千本，4月第3星期就睇奧千本，花期足足涵蓋大半個四月，Miss平地嘅櫻花，上嚟呢度都追得返！

個人就最鍾意下千本同中千本滿開嘅時候嚟，因為從上千本往下望，整個山腳嘅櫻花都盛放，一片粉紅，景色非常壯觀！

一日遊路線建議：

吉野駅⭢中千本巴士（千本口駅⮂中千本）⭢奧千本巴士（中千本竹林院前⮂奧千本口）⭢金峰神社⭢吉野水分神社⭢花矢倉展望店+子守茶屋⭢下千本金峰山寺藏王堂⭢陽ぼっこ（櫻花咖啡店）⭢吉野口纜車站⭢離開
全程需時：6-9小時

遊玩TIPS：

（1）先在吉野站坐巴士到中千本，樓梯直上過對面路，坐小巴由中千本去奧千本，由上往下走，比較省力！
（2） 必去花矢倉展望台！我Reels大景就喺呢度影！
（3） 由花矢倉下山沒太多地標，賞景為主，沒特別想去的餐廳，宜直奔下千本遊寺+逛街！
（4）吉水神社下午5點關門、纜車尾班車5點50分，要預留時間去！
(5) 堅要行足一日，建議著波鞋免雙腳受罪！

★－:+:－:+:－:+:－:+:－★

🎀 記得like埋我，每日放送打卡好去處！📸

http://www.facebook.com/daydaycheckin

http://www.instagram.com/daydaycheckin