女神配對計劃｜葉蒨文唔Buy「進擊的GM」曾展望酸溜溜慘情樣惹人憐

無綫戀愛綜藝真人騷《女神配對計劃》，昨晚（22日）播出第3集，原本獲看好抱得美人歸的曾展望GM，在首輪約會中，竟因過度向葉蒨文Sophie表白及太過進擊，令葉蒨文好感度「不升反跌」，加上殺出與葉蒨文三觀一致的程咬金—林澤謙阿Him，以及GM在Fine Dine遊戲中，只勝出了一個回合，未有足夠時間好好表達愛意及與Sophie交流，最終只能眼白白看著Sophie與阿Him共享「甜品時光」，情景苦澀！

當GM得悉自己在首輪約會中落敗後，面對主持林盛斌（阿Bob）慰問，原本已一臉失落兼頹爆的他，先是有口難言、再強顏歡笑望向阿Bob、並投出了饒有深意的眼神，全程欲言又止的狀態，與平時口若懸河的他判若兩人。最終未有即場說出自己感受的GM，事後接受製作組訪問時坦言感到失望：「睇住自己鍾意嘅女仔揀咗第二個，對自己有啲失望。」GM的失落就連花生團亦為之動容，江美儀更忍不住一再感嘆：「GM真係慘喇，眼淚在心裏流睇吓佢。」

GM昨晚一集火力全開追女神，惟因火力過猛令葉蒨文卻步！除因GM醋意大發勸阻葉蒨文買咖啡給其他異性，GM真摯又脆弱的「我不懂拍拖」剖白，更令葉蒨文坦言有壓力。GM剖白全文：「拍咗拖我覺得我都幾緊張女朋友，我驚我自己好鍾意一個人，點解好似成日扮到咁瀟灑呢？有陣時好驚自己好鍾意之後會好Hurt，所以一有啲鍾意喇，就同自己講，唔好咁鍾意，因為我覺得每次自己好認真時候，好似都會出事，我平時都好少可會想公開追女仔，但我見到你之後，真係有個念頭，想試吓照顧你。」又透露自公開表白後「對Sophie更堅定」：「我絕對唔會放過任何一個機會去捉住佢。」

GM的真摯剖白雖令葉蒨文感動至眼濕濕，但她接受製作組訪問時，坦言不能招架：「我招架唔到，好似好快咯，我唔知點反應，我鍾意咁深情、有一種偏愛嘅感覺，但係第二次見面咋喎，我哋都有好多價值觀嘢未傾過，就要我承諾一啲嘢，我就會覺得有啲壓力。」

昨晚節目彩蛋位卻給出了極大的反轉驚喜，雖然Sophie對阿Him表現得相當有興趣，亦坦言對GM的急進猛烈攻勢不太消化到，但當Sophie與阿Him在「甜品時間」甜玩「答案之書」時，阿Him追問自己是否Sophie暗地保護的人時，「答案之書」竟給出「Hold on（等一等）」的答案，Sophie給出了耐人尋味甜笑，還意有所指謂：「都啱嘅」。

為保持神秘，製作組未有即時揭曉Sophie保護名單，反而安排在最後彩蛋部分揭曉答案。原來Sophie想保護的人是GM，加上Sophie揭出GM二字時的甜蜜笑容，「MC CP」依然充滿「緣」機！Sophie：「咁我本身已經對佢有啲好感，咁跟住見到佢上次咁勇敢咁過嚟參賽，我係好想同佢有機會相處同了解多啲，所以我揀咗佢。」

（即時娛樂）