《東張》俞可程迷你裙採訪巴士迷　新一代「最強Body」狂派福利

TVB《東張西望》近日播出車長Alex被一名女巴士迷長期滋擾的個案，事件引起廣泛討論，而當日負責採訪、以迷你裙上陣的主持俞可程（Kanis），亦同樣成為焦點。Kanis在其IG story寫道：「好多人都好好奇，車長係唔係真係好靚仔。我會形容為帶（戴）住幅（副）眼鏡，斯斯文文，同佢傾偈又有少少怕怕醜醜咁，都相信可以吸引到女仔架（㗎）。係眾多巴士車長入面都算係滄海遺珠。」

Kanis在其IG story分享當日V領上衣加迷你裙的照片，並開設Q&A：「拍攝當天有冇啲咩想問我？」。有網民留言問道：「你信唔信佢真心知錯？我覺得佢只係驚報警，才會『表現謙卑』地『誠心』向車長道歉。是不是有誠意的？」Kanis回覆寫道：「我哋當日都花咗好耐時間同佢傾偈同解釋俾佢聽，因為佢仲好細個，一開始未意識到事情嘅嚴重性，先會繼續再犯。但係事發之後，我知道佢都好驚，佢亦都冇再去騷擾Alex，無論是否有誠意都好，呢件事可以令佢知道佢咁做係唔啱，亦都有 機會要承擔法律後果，都對佢有阻嚇性，其實已經好好。」

另外有網民問道：「係咪想自肥所以問車長係咪單身？最後個車長一定變左（咗）你fan」。Kanis回覆寫道：「我相信呢樣野（嘢）都係觀眾想知道既（嘅）一部分。究竟Alex係咪單身？Alex係咪好靚仔？Alex有咩吸引之處先會吸引到瘋狂粉絲？而當時人都要求打格，我地（哋）節目亦都要保護事主，所以由我問既（嘅）問題俾大家更加了解呢位巴士車長啦。」

現年27歲的俞可程（Kanis）畢業於香港城市大學測量學，曾於專業測量行任職並考取測量師專業資格；於2024年參選香港小姐並入圍十強，同年年底加入《東張西望》成為新一代主持，主力採訪時事新聞。近日播出的兩集「巴士車長被巴士迷示愛」，令俞可程一夜間人氣高企。其實俞可程不時都在社交平台分享性感照片派福利，更被封新一代「最強Body」。