特厚燒棉花糖Affogato 咖啡控必去《山林祭 ‧ 山飲啡語》周末市集～

如果你同我一樣，鍾意Chill住嘆啡、聽音樂，合和商場舉辦的《山林祭 ‧ 山飲啡語》一定唔好錯過！上星期Weekend我就同朋友去了～活動期間，商場三樓中庭會化身咖啡+音樂的綠洲！可以逛超過30+本地咖啡小店檔口，試勻唔同風味的咖啡特飲，仲有露營風帳幕休息區同音樂Show，啱晒放假同另一半或好友走走！

亮點1 🌟 特厚燒棉花糖Affogato（檔口11號）

成個場我最鍾意嘅，非Minamoto Coffee嘅灸燒棉花糖曲奇配雲呢拿雪糕莫屬！半溶嘅棉花糖鋪在厚厚曲奇上面，賣相好似一個迷你冬甩，配埋雲呢拿雪糕及底層嘅意式濃縮咖啡（affogato）一齊食，凍熱交融，每一啖都好治癒，滿嘴都是幸福感！

亮點2 🌟 特調甜酒「淡墨」無糖咖啡（檔口1號）

鍾意啡酒，會場仲有得試杯「淡墨」咖啡甜酒！啡酒入口係咖啡的花果香味，伴隨的是「白蘭樹下」氈酒的白蘭花、檀香等味道，口感清新！微醺放鬆好選擇！

亮點3 🌟 免費派「金茶王」樽仔奶茶/ 現場小店即泡咖啡、「米芝蓮推介」魚事者魚肉燒賣

逢星期四、五下午去市集，憑即日單據可免費換領經典「金茶王」樽仔奶茶或本地即泡咖啡，加埋「米芝蓮推介」魚事者魚肉燒賣，完全是最地道的港式下午茶組合。

《山林祭 ‧ 山飲啡語》

• 地點: 合和商場 3 樓中庭
• 日期: 2025年9月11至14 日（逢星期四至日）
• 時間: 中午12:00至晚上8:00