男子港鐵東涌站遇查發難被㩒地制服　禿頭漢爆粗問「做乜X嘢」

網上流傳1條警員及市民合力制服1名男子的短片。現場在港鐵東涌站大堂，片中見2名軍裝警員及2名身穿便服男子將1名大漢按於地上，該名大漢作出反抗，其後另1名市民上前協助，警員取出手銬圖將對方鎖上，但對方拚命掙扎，其他市民見狀圍觀，1名女子用普通話稱「要走犯了」。

期間一名禿頭漢走近爆粗喝問警員「X你老X，做乜X嘢呀？」，警員大叫「你行開，佢拒捕，𠵱家要拘捕佢」，但禿頭漢未有聽從指示離開，片段亦至此完結。

有網民睇片後炮轟禿頭漢「這位呀伯係咪同黨？不斷阻礙警察拉人！」、「呢個禿頭阿伯絕對可以拉佢，殺一儆百」、「阻差辦公，拉埋返警署」、「差人做嘢，關佢咩事」。

執法部門表示昨日(23日)晚上10時20分，警員巡經港鐵東涌站D出口發現1名男子形迹可疑，遂上前截查，但對方不合作，且情緒激動咬向警員，可疑男其後被制服，經調查後，案件列「襲擊警務人員」跟進。事件中，有1名警員手臂受傷。

東網網站 : https://on.cc/東網Facebook專頁 : https://www.facebook.com/onccnews/