鄭欣宜清空IG引揣測　梁思浩暗示與感情有關：「對愛情好執著」

35歲鄭欣宜（Joyce）自2023年3月完成紅館演唱會後突然神隱，至今已停工兩年。期間一度盛傳她因抑鬱症復發而淡出娛樂圈，甚至有謠言指她遠赴加拿大秘密產子。近日，她更突然清空整個Instagram帳戶，相片與影片一概刪走，引起外界再度揣測她的去向及狀況。

欣宜自無預警消失後，經理人林珊珊曾表示：「Joyce的確係病咗，療傷之中。」情況一直令人擔憂。梁思浩昨晚（4月28日），在網上節目《娛樂好好玩》中，透露欣宜近況，暗示她人在香港。

梁思浩表示，自從外界盛傳欣宜「失蹤」時，他都有與對方聯絡。對於外界傳言，梁思浩稱：「事情上面大家嗰個揣測，我講一句啫，唔係你哋揣測嘅所有嘢。（江美儀：咁即係咩啊？）不如咁啦，我唔能夠代佢講嘢，但佢生活得好開心。」他又相信欣宜會「唱返歌」。

梁思浩稱，因以往與沈澱霞（肥姐）稔熟，所以自欣宜小時候已跟她像家人般親密。他讚嘆她年僅3歲已識以「黃梅調」唱《郊道》，在大人面前表演也毫不怯場，因此很多圈中前輩都覺得欣宜很有才華，不過梁思浩認為她不適合做娛樂圈：「佢好有自己堅毅嘅性格…係一個好有承擔嘅人，但佢嘅性格唔啱呢行」。

當被問到是否連其經理人林珊珊都「搞佢唔掂」，梁思浩回應：「我簡單啲講，唔好淨係講林珊珊，其實冇乜人搞得掂鄭欣宜嘅。」

對於欣宜為何突然清空IG帳戶，梁思浩未有正面回應，只說：「佢有啲地方同肥姐某方面好似，喺對愛情嗰份執着方面。我講到呢度都幾明顯啦，佢有佢自己諗法，最緊要佢開心。」

他更透露，早前拜祭肥姐時，亦特意請對方不用擔心欣宜：「佢真係有自己嘅想法，呢個女仔畀我哋覺得成熟。」吳家樂則表示，欣宜一直交出亮眼成績：「佢EQ一直提升緊，佢亦交帶，我覺得佢一定有自己鋪排。」江美儀亦附和：「開心就得啦，最緊要佢過得好。」