許軼新劇挑機劍神要求回覆　張家朗：唔好意思遲咗少少

由邱彥筒（Marf）、許軼（Day）、岑珈其等主演的ViuTV劇集《哪一天我們會紅》，以人氣YouTube頻道的競爭作題材，雖然只播出3集，就已經得到不少觀眾和網民的好評。昨晚（5月7日）一集講到邱彥筒、許軼隸屬的「無景深」頻道一直撈唔起，為了谷人氣而公開向不同名人挑機，其中一個是兩屆奧運金牌得主、香港劍神張家朗。

劇情講到Day揮著激光劍拍片公開挑機張家朗，她在片中講到：「呢個就係你嘅下場。張家朗，你號稱劍神，你區區奧運金牌，問過我把激光劍未呀？依家限你兩個鐘內覆我『認輸』兩個字，如果唔係就當你投降。」最後劇中的Day過了兩小時都等不到張家朗回覆。

昨晚劇集播出後，有不少網民在社交平台出帖召喚張家朗，ViuTV官方帳號今日在threads貼出該短片並tag張家朗，寫道：「香港劍神張家朗，Day Day挑你機，認輸未？」，終於釣到本尊回覆：「唔好意思遲咗少少」。ViuTV官方帳號回覆：「認輸未？」；張家朗再答道：「未必」。ViuTV再回覆：「同 @no_dof.official（無景深）約個期先！擇日再戰，格個（激光）劍先」。