高海寧期待再與張智霖合作：仲做到佢老婆

藝人高海寧現時正為新劇《新聞女王2》拍攝，昨日（12日）才於廣州出席無綫大型發布會的她，今日（13日）亦於當地出席商場活動，現場甚多觀眾，穿着一身白色超貼身長裙的她，身材Fit爆，盡顯女性美。而月尾她亦要為另一套無綫劇集《璀璨之城》拍攝，劇中跟張智霖、吳卓羲、張曦雯、陳瀅、陳曉華、陳煒、郭柏妍等合作，她更飾演張智霖的太太，鮮有合作過的二人，必能擦出不少火花。

高Ling今日接受東網訪問，她坦言：「到時我要兩套劇同時進行，公司都好好，安排到個期，今次同Chilam做兩夫婦，其實我哋以前喺《非凡三俠》中都合作過，嗰次喺馬來西亞拍攝，嗰陣我客串咗一場戲，係做佢嘅瘋狂Fans，今次有好多對手戲，真係好期待，好難得同佢合作，仲做到佢老婆，一路我都好欣賞佢，亦睇過佢好多戲，睇吓可以擦出乜嘢火花啦！」

東網網站 : https://on.cc/東網Facebook專頁 : https://www.facebook.com/onccnews/