安德尊鍾志光齊寸TVB龍舟隊 「係咪有啲難受」「似畀人搞掂」

端午盛事沙田龍舟賽今日（31日）於城門河舉行，TVB每年都會派隊參加龍舟賽，今年繼續由「御用惡人」王俊棠帶隊上陣，可惜成績「再下一城」，由去年尾二衝線，今年最終包尾收場。雖然比賽娛樂性十足，一班TVB直播節目主持卻對賽果相當不滿，當中安德尊不留情面在節目中批評TVB隊的表現，更點名明踩鼓手王俊棠，被網民翻出二人去年早有「牙齒印」。

TVB龍舟隊近年星光黯淡，今年除了王俊棠，亦加入黃建東，可惜無助戰力提升，一眾隊員賽前受訪表示信心十足，可惜比賽一開波就大幅墮後，全程未見起色，任旁述的鍾志光難掩失望：「一條心、一條船，搞掂佢，但而家似乎畀人搞掂多啲喎！唔算太慢，不過唔夠前面嗰啲快。」TVB隊最終以最後一名衝線，鍾志光亦忍不住指：「一如以往，我哋係志在參與。」安德尊更將矛頭直指王俊棠，賽前先表示：「棠哥係我哋TVB龍舟隊嘅靈魂之首，但每年我都寄望佢係勝利靈魂之首，但每年都未能勝出，咁樣係咪有啲難受呢。點都好，正面啲同佢打氣。」

比賽結束後安德尊繼續踩現場攝影師hea影獎盃，狠批TVB隊的表現：「志在參與，仲要畀人搞掂。」又重提王俊棠：「我有時會諗TVB阿棠哥就算未能勝出，我都覺算數啦，心入面都安慰自己，因為驚勝出再去下一輪，我驚佢心臟頂唔順。」勇於批評自家人的態度引發網民關注。

有人翻出安德尊與王俊棠去年端午早已結怨，TVB隊去年在龍舟比賽中排尾二，當時安德尊就狠批王俊棠「黑口黑面做鼓手，一手累全家」，之後王俊棠亦隔空回應安德尊，指對方「口水多過茶，成日吹水唔抹咀」，又指要家法侍候，雙方鬥嘴比TVB隊的戰績更精彩。