巨乳波波拍飲食節目愈食愈多　親自拆解反而瘦咗之謎

無綫咪神黃婧靈（波波）身材一向出眾，雖然她並非走性感路線，但入行至今最為人談論的就是她的身材。波波擁有魔鬼身材以及甜美可愛的樣子，風靡萬千少男喜愛，是TVB新一代性感代表之一。她近期有份拍攝無綫飲食節目《美食新聞報道》，本身喜歡品嘗美食的她可以趁機周圍試食，寓工作於娛樂。月前波波曾表示自己每個鏡頭都是真食，因此胖不少。

不過她日前接受訪問時就表示因為拍攝飲食節目《美食新聞報道》要狂食，她放假時就會刻意節制飲食，結果反而是瘦了。黃婧靈於社交網出Po寫道：「好多人問我/同我講『係咪真係好食架？』係真食的，拍緊嘅時候食好多，off cam食得仲多！記得最耐試過由朝早九點食到夜晚九點，食四，五餐左右，每餐起碼兩三個餸，即係我一日起碼食10幾個餸😆有啲人可能會覺得一次過食咁多好辛苦，但對我嚟講係一份絕世筍工，每次都會好期待食啲乜嘢，好似開盲盒咁，幸福滿滿🥰而我食咁多，反而係瘦咗，因為平時自己平時比拍嘢食得仲多，調返轉頭day off令我平時食少咗，加上知道自己拍攝嘅時候要食，平時就會做多咗運動，所以我係瘦咗😆」拆解她愈食愈瘦之謎。

東網網站 : https://on.cc/東網Facebook專頁 : https://www.facebook.com/onccnews/