羅浩銘變身「超人」助樂宜做打女　古天樂「盲」撐到底

香港影業步入寒冬，藝人羅浩銘（Ken）沒有選擇「齋坐」等機會，反而積極向多方面發展，近期更踩入文壇，將推出新書《超人852》，談到今次新書之誕生，原來亦是源於電影：「呢本書嘅前身係一個劇本，疫情前有投資者會開拍，但最後因為疫情冇咗，今年2月，有投資者睇中個劇本想出書，我就即刻將個劇本改成小說。」

因該小說戲劇感十足，書商遂提議不如拍一條約一分鐘的短片，在書展期間可作宣傳之用，行動力十足的Ken再次立即行動，在有限資金之下，最終拍了一條接近20分鐘的短片，由設計戲服、搵演員、製作道具到動作指導，他都一手包辦，戲內戲外都變身「超人」！

短片邀請了樂宜、好友翟威廉、何華超等演出，Ken更將樂宜由「性感女神」操到變「型格打女」，Ken笑言：「其實今次好多謝一班朋友幫手，我問樂宜有無興趣演特工，佢二話不說應承，因為佢本身無拍過打戲，仲特登抽咗接近一星期嚟上堂，估唔到，佢未打過啲身手都唔錯，好快已經上手，打得好過好多女仔。」

Ken經理人公司老闆古天樂，一向很支持旗下藝人，本來Ken沒打算「打擾」對方，但機緣巧合下，古天樂（古仔）得悉他的新動向，就算剛完成眼部手術只有一星期，都願意犠牲休息時間，為Ken的新書寫序，令Ken十分感動：「老闆好好，知道我出書，就算隻眼啱啱做完手術都即刻幫我，仲有錢嘉樂，佢都第一時間幫手。」

雖然只是20分鐘的短片，但Ken依然落足心機去做好每一個細節，尤其超人的頭盔，更加請來創作《死角》的漫畫家曹志豪起草圖，並找來電影特技公司去製作，最特別之處頭盔有輕觸式開關，可控制眼罩亮燈，非常精緻，不過，當頭盔眼罩燈一着，Ken就要打「盲拳」，十分考驗他的功力。

東網網站 : https://on.cc/東網Facebook專頁 : https://www.facebook.com/onccnews/