Coco「胸降」影寫真　靠大膽出位

現職空姐的加拿大性感網紅Coco胸降香港特色景點，以多個挑戰性感極限的造型拍攝處女寫真集，望挾「零假狗」的大膽作風響名堂而進軍演藝界。日前穿上SM Feel的透視Bra　Top及T Back褲，上下齊露的她，第一站到位於石硤尾的舊屋邨，平躺在停泊於鄰近於宗教機構的綠的上，於狹窄的車廂及男司機面前，狂擺誘人甫士，由於拍攝地點對正休憩處，引來不少「公園阿伯」圍觀。

面對不少陌生男對她作360度觀賞，三圍分別為30C、24及35的Coco視若無睹並豪氣謂：「明益佢呀，女仔喺外國，性感係好普通嘅事。」問到為何要專程返香港影寫集，她表示全因熱愛香港：「我喺香港出世，兩就歲移民到加拿大，但我好想講畀人知我係香港人，連廣東話我都係自學嘅，有諗過去日本、泰國同台灣影，但我都返嚟香港，book咗的士、茶餐廳、仲會去旺角街頭。（唔怕太多人？）唔怕，我又唔係做犯法嘢。」

至於身為空姐，但作風出位可擔心影響正職，她「無有怕」謂：「外國公司唔會理我，做空姐同性感KOL係兩種工種，唔應該混為一談，況且我都係做自己之嘛。（唔怕惹嘲諷？）一定有網民話我係『電子雞』，但我唔會反駁佢，唔成功嘅人先會批評人哋，況且我有學歷嘅。」問到有意進軍演藝圈，可有期待合作的藝人，她心心眼謂：「梁朝偉，佢部電影《尚氣》喺加拿大好Hit，我都鍾意舒淇，雖然佢都影咗啲好大膽嘅相，但佢唔係唔值得被愛嘅人。」

東網網站 : https://on.cc/東網Facebook專頁 : https://www.facebook.com/onccnews/