[Getaway‧中環輕奢東南亞Fusion菜館‧全新A La Carte菜單] 🌼🌿✨
餐廳主打精緻嘅峇里風，除打卡位處處，裝修極靚外，近來仲換上全新A La Carte菜單——喺傳統泰菜嘅基礎上，配合各式歐美當造食材，打造一系列泰國Fusion料理！
整體比我感覺都好有創意，絕對喺外面食唔返嘅味道！
全晚最亮眼一定係呢份Prime牛肋眼＋燒牛骨髓！牛肉無筋，肉汁豐沛，火喉掌握得極好，剛好5成熟！點住骨髓食，充分嘗到濃濃嘅牛脂香，好邪惡但好正！
此外，配菜嘅櫻桃番茄、迷迭香、大蒜及辣椒醬，食上口都幾解膩。
將中式嘅蟹粉做法，套用喺Risotto上，做法幾新穎。食時有蟹黃、蟹醬及芝士共治一爐，好鮮味香濃！
用上澳洲野生八爪魚，整根直送上枱，好有氣勢！吸盤好彈牙爽口，帶點香辣，幾特別！唯獨八爪魚粗嘅根部位有啲啲韌，咬唔開，其餘味道都好好！
原來Getaway有得點法國蠔王「吉拉多蠔」（12隻）及Grand Siecle Champagne嘅套餐，啱晒一班朋友開心share！
非傳統咁用上阿根廷紅蝦作刺身，膠質重，肉質肥美，連蒜片及辣椒食，口感一流！個人好愛個醬汁，由薄荷、番木瓜、蘿蔔、腰果及芫茜製成，清新得嚟又帶少少辣，好開胃。
泰國大頭蝦肥美多肉，蝦膏香濃，燒得香口！下面有由帕馬森芝士、莫薩里拉芝士及車打芝士製成嘅特濃芝士汁意粉，愛濃味嘅朋友必點！
用上北海道帶子刺身、海膽及三文魚籽，再配上韭菜粒及柚子汁，整體酸甜鮮美，不錯的前菜。
喺蛤蜊、青口、櫻桃番茄、蘑菇及脆米上，淋上惹味香濃嘅冬陰功湯，非常暖胃！此外，Getaway嘅冬陰功湯係用上魚湯熬製，僻辣之餘質感仲好creamy，夠晒滋補。
白鱈魚厚切香煎，外脆內嫩滑，食時有陣奶油香，挺特別。主食配上白味噌、雜菌及松露薯蓉，鹹鹹香香，食完意外地幾飽肚。
大廚將泰式生菜捲在墨西哥Taco，幾創新！ 豬肉碎加入芫茜、青檸、辣椒、魚露、青檸葉及蔥香炒，同時帶酸甜辣味！極具泰式風情！不過個人覺得Taco好似有啲硬，食時有點難咬。
★－:+:－:+:－:+:－:+:－★
🎡味道：4
🎠環境：4.5
🎪服務：4
🕌CP值：3
（*5為最高分）
★－:+:－:+:－:+:－:+:－★
◌ Getaway
◌ 中環擺花街43號The Workstation2樓
★－:+:－:+:－:+:－:+:－★
🎀 記得like埋我，每日放送打卡好去處！📸