丁丁混血肥仔同遊越南「斷正」　即發片證工作需要並感謝對方支持

著名YouTuber混血肥仔（曾達恩 Tommy）與丁彥均（丁丁）早前被拍得一同現身越南，再引起網民關注。片段在網上瘋傳後，混血肥仔迅速在社交平台回應澄清，丁丁亦隨即公開越南影片，並於限時動態中剖白心情，坦言過去數月經歷人生低潮，並感謝混血肥仔在艱難時期給予支持。

丁丁在Instagram發布短片，介紹河內多間咖啡店的招牌飲品。她留言：「第一次自己整reel……我真係高度推薦（蛋咖啡）」。

她更在限時動態分享感受，更點名感謝混血肥仔：「呢個月經歷咗幾個人生低潮,我一直都不斷學緊點樣做幕後:寫稿、剪片。呢段時間真係唔易捱，但慢慢開始多左啲idea自己都想試吓拍，好好彩仲有啲朋友願意幫我。 多謝 Panda，Tommy同manyan，喺艱難嘅時候繼續支持我，提我影相要笑，教我點樣組織份稿，點樣拍片。幫我話想拍啲嘢嘅時候，亦都二話不說企出黎幫我。 以我嘅性格，拍好咗都會猶豫幾時出，驚做得唔好，驚俾人鬧。既然都俾人影到，就順理成章出片啦!希望大家都會欣賞，我會繼續努力做好自己。」她又刻意標籤混血肥仔及另外兩位友人，力證幫助她的不只一人。

事發當日，有YouTuber拍攝街頭影片，意外拍到丁丁與混血肥仔並肩而行。片中丁丁穿背心牛仔裙，混血肥仔則穿運動T恤及牛仔褲。網民對此議論紛紛，稱二人「斷正」，更有留言指：「咁都影到，好波。」

混血肥仔其後在Instagram限時動態表示：「唔出聲又會俾人老作，上星期放假同幾個朋友去越南玩幾日啫，我已經返到英國了。」他亦轉發朋友的打卡照片，標註丁丁，意圖證明此行並非二人單獨出遊。

今年2月，混血肥仔曾被拍到與丁丁在香港黃金海岸餐廳共進晚餐，觸發出軌傳聞。其時他澄清已與太太芊蕙子簽署分居協議，而芊蕙子則否認有正式離婚程序，並指男方曾親口承認婚內出軌。丁丁亦曾表示自己並無介入對方婚姻，並宣布暫別幕前。