葉泓聲為譚詠麟做暖場嘉賓　幫手排舞負責埋造型

由譚詠麟（校長）打造的明星足球隊旗下跳唱組合「老六兄弟」早前正式成軍，早前更合體登台，現身上海音樂會與譚詠麟同台演出，歌舞連場！前天堂鳥成員葉泓聲（Gordon）則為音樂會擔任暖場嘉賓，獻唱經典廣東歌《友情歲月》。

Gordon接受東網訪問分享感受，他首先感謝明星足球隊，令他認識到校長才有機參與今次演出，並幫手為「老六兄弟」排舞，坦言作為首個出台嘉賓心情非常緊張：「估唔到去到上海發現原來都仲有人識嘅，發覺網上都有好多人去留意自己，好開心，始終自己冇喺舞台上咁耐，開始單飛嘅時候有呢啲機會係好開心。」

他坦言自己也花了不少時間作準備，因為還要幫手為老六排舞及負責造型：「都開心校長、老六兄弟都對我咁信任，都冇見過我Rehearsal就夠膽畀我上台，呢樣嘢係我一支強心針！」能夠再次上台表演，Gordon表示除了開心也有感動：「今次最感動就係一家人一齊嚟晒睇，除咗老婆，爹哋媽咪、舅父舅母連埋婆婆都嚟支持，因為婆婆一直未去過上海，同埋婆婆都差唔多90歲啦，所以我都好開心佢嚟睇我呢個孫仔去跳舞表演，呢樣嘢係我最感動！因為咁啱又係婆婆生日，所以之後我都留低咗幾日同佢我哋一齊玩。」

東網網站 : https://on.cc/東網Facebook專頁 : https://www.facebook.com/onccnews/