謝安琪首度與張繼聰開騷　讚老公真有福氣

歌手謝安琪（Kay）近日接受新城廣播訪問，分享對新歌《50/50》的中年感悟。尚有兩年才「入五」的她笑說﹕「我43歲時已經開始衰老，今年48更加明顯，視力衰退及記憶力下降，呢首歌就係想記錄呢種確認自己正在變老嘅狀態。」

談到《50/50》由林家謙包辦作曲及編監，Kay透露：「佢入行前我哋已經認識，佢會DM啲歌畀我。」此後兩人從頒獎禮偶遇，到相約下午茶暢談音樂，卻始終未遇合適作品，不過就在Kay45歲生日當天，便收到林家謙寫的《50/50》：「佢一朝早就send嚟呢首歌，仲講埋生日快樂，勁有心思。」

適逢今年是Kay入行20年，她用「精彩而豐盛」形容這段光景，談到稍後與丈夫張繼聰於澳門合體舉行開演唱會，Kay笑說：「大事交畀佢，我好甘願打理瑣碎事務，係性格使然。喺台上真係冇諗過邊個做主，企得上台大家都係主角，我一向同人合作都鍾意令對手發光，佢有福喇，遇到我呢個對手。」

她又指人生第一張唱片是Michael Jackson的《Bad》，若流落荒島必帶張繼聰首張專輯《To Be or Not To Be》，Kay笑說「我點都要聽到張繼聰把聲。（親熱時聽咩音樂）通常好靜㗎喎，聽大自然嘅聲音啦。」

東網網站 : https://on.cc/東網Facebook專頁 : https://www.facebook.com/onccnews/