《衰鬼媽咪2》靈魂大兜亂　蘭茜露漢再開金口唱歌

2003年迪士尼喜劇《衰鬼媽咪》（Freaky Friday）由珍美李寇蒂絲（Jamie Lee Curtis）與蘭茜露漢（Lindsay Lohan）飾演一對不和母女，經歷意外交換靈魂後，了解到對方難處而和好，惹笑又溫馨。相隔22年，兩人再度聯手推出續集《衰鬼媽咪2》（Freakier Friday），今次三代同堂，由Julia Butters飾演孫女與Sophia Hammons飾演繼孫女，兩個後生女卻各有心病，難以溝通。阿媽再婚在即，一次閃電意外，三代四人齊齊靈魂大兜亂！

蘭茜曾是荷里活天才女童星，但長大誤入歧途，酗酒吸毒，不過經歷多番戒療，她已回歸正常，近年再度活躍影視圈。蘭茜自言15歲與珍美李合作後，視她為另一個母親，一直保持聯繫，自己低潮時亦獲對方支持。蘭茜宣傳時形容新片：「呢套比第一集規模更大，有更多故事線，有4個人互換靈魂，有更多音樂同肢體喜劇，係我鍾意嘅。」

蘭茜於首集角色是個樂隊主音，還負責演唱電影主題曲《Ultimate》，於2000年代大為流行。被問到於續集再開金口的感受，蘭茜表示：「最初係有啲緊張，因為我唔係以自己身份咁唱。當我拍首集時，我自己係作為歌手錄緊大碟，係我當時人生一部份。以前感覺似係蘭茜唱歌比較多，而喺呢部戲入面，我係作為自己角色安娜咁唱歌。」

東網網站 : https://on.cc/東網Facebook專頁 : https://www.facebook.com/onccnews/