姜濤墮海｜口罩小姐徐蒨寧爆MakerVille管理MIRROR方法奇怪

MIRROR成員姜濤昨天下午（24日）4時許於西區副食品批發市場對開墮海，其後清醒獲救，由救護車送往瑪麗醫院，並轉往私家醫院。MakerVille晚上表示姜濤下午在西環海旁跑步，其間頭暈不適，醒來時已被救起，在醫院休息，沒有大礙，一切安好，請大家不要作出不必要的揣測。姜濤墮海事件成為熱討，有飲食平台疑「抽水」發文稱「各位姜糖們，食返餐好嘅定定驚，食返啲海鮮精神上陪伴偶像啦」，結果被網民鬧爆，平台最後刪走帖子及公開道歉。

而「口罩小姐」徐蒨寧（阿姨）則於社交網轉發姜濤墮海的報道，發文指MakerVille對MIRROR成員的管理很奇怪。她說︰「由幾年前， 我仲係Viu度做野， 已經覺得，咩事佢哋管理呢隊人管理得咁奇怪呢？佢哋有特別房Makeup，合理！但房度有重重人員駐守，其他artist，係呀係artist，除非分量都有咁上下嘅， 否則都無可能埋身。佢哋化完出到嚟啦，我就撞到其中一位我識嘅，同佢話，『喂又見喇，影個相呀！』佢好樂意影，但！佢眼神哀求我唔好post，佢會畀人話！我心諗… 咁即係唔係班仔嘅意願啦。圈起嚟讓，佢哋又紅到，唔係問題。但遇到事可唔可以做得好睇啲？出嚟幫佢地頂多啲？Job下弦都接多啲? 上弦肥咗唔開心搵方法俾佢開心番？其實可能佢肥仲開心呢，睇吓Fat boy,照肥照紅，心理健康影響生命㗎大佬。」

她隨後又質疑姜濤不小心跌落海的說法︰「廿幾歲仔唔小心跌落海？公司呀公司， 你講到講好啲呀﹗廿幾歲仔咁答野會俾人笑㗎陰功。」徐蒨寧後來看見關於其言論的報道出街後表示︰「今次唔止希望佢冇事，希望我都冇事。不過，我呢啲都係小事，始終人命係大件事。」

（即時娛樂）