譚仔新品‧芝士撈米線＋2款爽甜解辣特飲

識撈梗係撈米線！無咁肥得嚟又美味！😝✨

作為譚仔雲南米線粉絲，繼上年試過佢哋嘅麻辣汁烤雞炸醬撈米後，一直十分回味！好開心，今年佢哋又出新口味「烤豬柳芝士泡菜撈米線」啦！驟眼望韓風十足！🇰🇷仲可以喺17款配料中，追加自己鐘意嘅食材！開心仔！😝✨

此外，唔鍾意被局限住，其實譚仔仲有芝士泡菜「隨意撈」米線，揀咩自己話事！切合晒唔同人口味！

✦ 烤豬柳芝士泡菜撈米線 HK$44起

好鍾意呢款烤豬柳！一啲都唔乾柴，鮮嫩多汁！芝士鹹香濃郁，以酸酸辣辣嘅泡菜平衡返油膩感，整體食上口唔會滯。此外，撈米線仲包免費追加2款配料，今次我當然揀自己最愛嘅勿演（墨丸）同鮮冬菇！😝

✦ 芝士泡菜「隨意撈」米線 HK$39起

基本上個底都係芝士＋泡菜＋米線嘅組合，可以唔一定揀烤豬柳，可自由選擇3款米線配料，彈性大啲！

✦ 玫瑰草莓Tonic特飲 HK$17（加配價$14）

✦ 荔枝青檸寒天特飲 HK$17（加配價$14）

食完米線，當然要嗌番杯消暑特飲啦！今次譚仔雲南米線就出咗「玫瑰草莓Tonic特飲」及「荔枝青檸寒天特飲」，前者以玫瑰及士多啤梨製成果汁，食上口啖啖莓香，酸甜互搭；後者用咗青檸與荔枝，加上Q彈嘅寒天，酸甜有咬口，消暑解辣一流！

✨同場加映：

譚仔亦都同 戶戶送 @deliveroo_hk 推大型IG線上解謎遊戲，做任務、大派驚喜覆你，有興趣可以 瀏覽戶戶送App