交換禮物｜許家傑稱應正視生老病死：患癌係警號亦係提醒

《愛‧回家之開心速遞》的許家傑日前以大使身分，出席電影《交換禮物》慈善優先謝票場，今次活動扣除成本後收益，全數捐予善寧會及癌症資訊網慈善基金，用於晚期病人及癌症病人照護服務，有份參與製作的幕後策劃人曾寶儀都有出席，並分享心路歷程。

曾寶儀聯同導演林明謙，耗時4年走訪病友、家屬、醫師與科學家，製作這部紀錄片。《交換禮物》透過5位病友重新審視人生、放下執著的故事，見證生命動人的轉化。電影播放期間，不少觀眾都感觸落淚，曾寶儀希望這紀錄片成為溫暖陪伴，讓抗癌路上的朋友知道「你並不孤單」，亦讓其家人或照顧者，學習將悲傷放下。

活動後，許家傑及曾寶儀及製作團隊合照留念，並分享感受，許家傑說：「電影最震撼我嘅係一個想法：『每一件事情都係客觀，你點去睇呢件事就係主觀嘅心。』就好似死亡一樣，好多人好驚、唔敢面對，但最可怕就係唔面對。

《交換禮物》入面，有人想面對癌症視為一份禮物，係因為我哋好多人太忙，根本冇聆聽過自己身體，成日捱夜或者損耗自己身體，患癌係警號亦係提醒。冇人想病，但當呢個警號響起，就可以提早令自己改變生活方式，絕對可以好得番。」

家傑表示生命不在乎長短，重要的是看到病患面對治療的痛苦，仍然努力希望活下去，感受到他們對生命的熱愛。他表示：「雖然好多已經到達生命晚期，但他們仍然好珍惜去享受同活好每一日。死亡或者癌症係好多人避諱唔想講嘅話題，總係覺得好負面，生老病死係每個人必經階段，反而我哋應該學習去面對佢，早啲去正視，絕對係一件好事。」

（即時娛樂）